«حماتي السبب».. سميرة: طليقي دمر نفسية بنته وربنا هيحاسبني لو مجبتش حقها
زواج دام سنة فقط ونتج عنه طفلة وحيدة، ومازالت «سميرة» تدفع ثمن هذا الزواج وتحمل الألم والحسرة بسبه، بعد سنين مرت عليها وربت فيها ابنتها دون مساعدة من أحد أبدا.
تزوجت «سميرة» من 24 سنة وأنجبت طفلتها بعد زواجها بفترة قصيرة وكانت تحلم أن تعيش وتربي ابنتها تربية حسنة، ولكن المشاكل مع حماتها دمرت حلمها وأدت لطلاقها من زوجها، لمدة 20 سنة لم يتحمل الزوج مسئولية ابنته طول هذه السنين وترك المسؤلية بالكامل على الأم، ورفضت الأم أن ترفع دعوى نفقة على زوجها ووالد ابنتها في محكمة الأسرة لتحافظ على نفسية ابنتها وتحميها.
اقرأ أيضا
اطلقت بسبب حماتي
قالت «سميرة»: "اتجوزت أول مرة من 24 سنة وخلفت بنت عشت معاه سنة بس، هو كان شغله بيخليه يبات برة البيت كتير والمشاكل بس كانت مع أمه غلط وخناقات كتير، خرجت مرة سيبت البيت مرجعتش تاني وتطلقت، محاولش يرجعني كل السنين دي، ولما اطلقت افتكرت أن المشاكل هتخلص لكنها مخلصتش".
مرفعتش عليه أي قضية لأني مش عايزه منه حاجة
تابعت «سميرة»: السنين عدت وأمه اتوفت وهو اتجوز وخلف بنت، أول ما اطلقت كان مبيصرفش على البنت ورفعت عليه دعوى نفقة، كان بيديني 400 جنيه بعد حكم المحكمة من 23 سنة ومزودهاش طول السنين دي وكمان مكنش بيدفعها، ومرفعتش عليه أي قضية لأني مش عايزة منه حاجة.
اقرأ أيضا
ربنا هيحاسبني إني مجبتش لبنتي حقها
أكملت الزوجة كلامها وقالت: “23 سنة بنتي أنا اللي بصرف عليها وربتها ودلوقتي اتخرجت وبتشتغل، قالتلي أنا من حقي ارفع قضية وأخد حقي منه قلتلها أنا مرضتش في يوم من الأيام اخليكي تقفي قدام أبوكي في المحكمة، بالرغم انه حقها وربنا هيحاسبني اني مجبتلهاش حقها، بس أنا وقتها كنت عايزه أقلب الصفحة دي، وأعيش وأربيها بس”.
طليقي مدمر نفسية بنتي
أضافت «سميرة»: طول السنين دي طليقي كان على تواصل مع بنتي، ولما تطلب منه حاجة يقولها ان شاء الله هديكي ومبيديهاش حاجة، هو معاه الفلوس وقادر انه يديها ومبيديهاش، مدمر نفسية بنتي، كان هيفرق معاها لو أداها ولقت نفسها فارقة مع أبوها وبيسأل عليها، اتجوزت تاني من 10 سنين وخلفت منه وعلاقتي معاه وعلاقتة ببنتي كويسة، لما جيت دلوقتي أفتكرت لما جيت المحكمة من 23 سنة بس المرة دي جاية مع بنتي لأنها قررت ترفع عليه دعوى بالنفقة اللي مكنش بيدفعها ومتجمدة.
تابع أحدث الأخبار عبر
