«اتجوزته وأنا بنت 15 غصب».. مديحة في دعوى خلع:"سابني وطفش من سنة لما طلبت الطلاق"
فتاة في عمر الـ 15 لم يكن في حسبانها أن تتزوج وتكون مسئولة عن أسرة وبيت، لكن غصب أهلها عليها دمر حياتها وأوصلها لمحكمة الأسرة والدموع تنساب من عينيها على ما وصل له حالها.
زواج عرفي كان هو ما لجأ له أهل «مديحة» ليزوجوها وهي في سن الـ 15، رغم رفضها الزواج وهي في هذا السن الصغير أجبروها أهلها واضطرت أن توافق، وهي الآن تدفع ثمن هذا القرار الذي دمر حياتها وأوصلها في النهاية لمحكمة الأسرة، فمنذ زواجها اكتشفت أن زوجها مدمن للمخدرات وسيطرت المخدرات عليه بالكامل، وعاشت معه سنين من العذاب والألم.
اقرأ أيضا
«مديحة»: اتجوزت وأنا بنت 15 غصب
قالت «مديحة»: «اتجوزت كان عندي 15 سنة عرفي عشان كنت قاصر غصب كنت رافضة الجواز ودلوقتي عندي 23 سنة ومعايا ولد وبنت من جوزي، من ساعة ما اتجوزت وانا شايفة البهدلة، فاشل مبيشتغلش ومبيصرفش على البيت وبيشرب مخدرات ومبهدلني ضرب وإهانة وشتيمة، 8 سنين جواز أهلي هما اللي بيصرفوا أكل وشرب ومصاريف لأنه بيشتغل ويصرف فلوسه على المخدرات اللي بيشربها بس».
«مديحة»: كسرلي مناخيري عشان عايز فلوس للمخدرات
وصفت «مديحة» أزمتها مع زوجها وقالت: «مكنش بيبقى معاه فلوس للايجار فيتراكم علينا لحد منطرد، لفينا على 4 شقق في كل سنين الجواز، لما لاقيت الوضع كدة قلت نعد في شقتي اللي في بيت أهلي وسط ولاد عمي، سرقهم في 27 ألف جنيه وسابوه عشان خاطري، عرفنا أن هو اللي سرق لما راح اشتري تليفون بـ 15 ألف جنيه وقبلها بيوم كان بايع الشاحن عشان يجيب أكل يبقى الفلوس دي كلها جات منين فجأة، باع عفشي كله عشان المخدرات مفيش حاجة في القائمة يعتبر، كسرلي مناخيري قبل كدة بسبب إنه عايز فلوس للمخدرات ومكنش معايا اديله».
«مديحة»: سابني وطفش من سنة لما طلبت الطلاق
أضافت «مديحة»: كنت مستحملة ومقدرش أطلق إلا لما أتم السن القانوني، دلوقتي هو اللي بقاله سنة سايبني أنا وولادي وقاعد عند أهله، مشي عشان يتحامي في أهله بعد ما طلبت الطلاق كذا مره، مش راضي يطلق عايزني أتنازل عن كل حقوقي وعن ولادي، رفعت عليه دعوى خلع لأن المهم عندي دلوقتي أخلص منه، أنا دلوقتي قاعده في بيت أهلي ومعايا ولادي اتهجم عليا لما عرف إني رفعت عليه قضية كان عايز ياخدني انا والعيال بالعافية وهددني بقتل اخويا لولا الناس اتدخلوا ولحقونا.
تابع أحدث الأخبار عبر
