سمية في دعوى خلع: استحملت قرف جوزي التاني عشان مش عايزة اتطلق مرتين
بعد زواج دام لمدة قصيرة ،خرجت منه «سمية»، ومعها بناتها الاثنين، وفي قلبها الحسرة والألم على ما وصل له حالها، حاولت «سمية» أن تصلح حالها، وتتزوج من جديد على أمل أن تنشئ أسرة في بيتها مع زوجها، ولكنها لم تتوقع ما كانت تخبئه الحياة لها.
في أول عشريناتها تزوجت «سمية» من واحد قريبها ومع العشرة وقعت في حبه ووقع زوجها في حبها، وكانت حياتهم طبيعية وكان زوجها رجل محترم يتقي الله فيها، أنعم الله عليهم ببنتين وكانت تعيش مع زوجها في بيتهم وتربي بناتها، لكن تدخل أمه في حياتهما دمر أسرتها وتركها وحيدة مع طفلتيها متحملة مسئوليتهما بالكامل وحدها، كانت «سمية» مازالت في مقتبل عمرها، ووجدت نفسها مطلقة ومعها طفلتين، عندما تقدم جارها لخطبتها وافقت ولم تعلم أن قرارها هذا سيصلها في النهاية لمحكمة الأسرة ، حتى تحصل على حقوقها وتنجو بحياتها وتتخلص منه.
اقرأ أيضا
«سمية»: حماتي كانت قريبتي وسبب طلاقي
قالت «سمية»: كنت متجوزة زمان من واحد قريبي من عيلة أمي، وأنا وهو كنا بنحب بعض جدًا وجبت منه بنتين والحياة كانت ماشية ومفيش مشاكل مع بعض، لكن المشاكل كانت معظمها مع أمه، بالرغم أنها كانت قريبة أمي، فضلت ورايا أنا وجوزي لحد ما خلته يتجوز عليا ويطلقني، من ساعة ما طلقني ومبيصرفش ولا بيسأل على بناته، وأنا كنت عايشة عند أهلي وبشتغل وأربيهم، بعد 20 سنة من طلاقنا اتوفى بسبب كورونا.
«سمية»: الناس كذبوا علينا لما سألناهم عن جوزي قبل الجواز
تابعت «سمية»: بعد ما اتطلقت بفتره اتقدملي واحد كان جارنا، أخته هى اللي عرفتنا عليه، وكانت بتقول عليه إنه كويس ومحترم وسالنا عليه والناس قالولنا نفس الكلام، لكنهم مقالوش الحقيقة الكاملة عنه، وافقت وقلت بدل ما ابقى لوحدي أنا وبناتي ، من ساعة ما تجوزته بان عليه كل عيوبه، عايز يأكل ويشرب من غير ما يشتغل.
اقرأ أيضا
«سمية»: خفت من كلام الناس لو اتطلقت تاني
أكملت «سمية» كلامها وقالت: كان لو اشتغل يشتغل يوم أه و10 لا، عشت معاه 18 سنة وجبت منه ولد، ولما أكلمه وأقوله يشتغل يقولي مفيش شغل وهعملك ايه، كنت أنا اللي بشتغل وأصرف عليه وعلى بناتي وعلى ابني، كنت عايشة وبستحمل، وخفت من كلام الناس لو اتطلقت تاني ومداريه على اللي بشوفه منه.
تابعت الزوجة: تعبت وجبت أخري منه، وكل كلامي معاه مفيش منه فايدة، قررت أطلق منه لما بقى حمل زيادة عليا فوق اللي أنا شايلاه، وكمان بقى يضربني ويبهدلني ، لما طلبت منه الطلاق مرضيش يمشي ولا راضي يطلق، و رفعت عليه دعوى خلع، دلوقتي قاعدة مع أمي أنا وعيالي، وهو طفش ومنعرفش هو فين بقاله 3 سنين.
تابع أحدث الأخبار عبر
