«معيش فلوس أجيب محامي».. جميلة في دعوى خلع: كئيب ومشفتش معاه يوم فرحة
مثل العديد من البنات ظنت «جميلة» أن الحياة بعد الزواج ستصبح وردية يغمرها الفرح والسعادة، وأنها ستصبح سيدة بيتها وأم صالحة لأولادها وزوجة سعيدة مع زوجها، لكن فوجئت بالواقع الأليم الذي لم يكن مثل أحلامها بأي شكل.
" كان عيل ومش قادر يتحمل المسئولية" هذا ما بدأت به «جميلة» وصف معانتها مع زوجها الذي رأت معه المعاناة والألم منذ زواجها منه وهي في أول عشريناتها، ولم تعلم عندما وافقت على الزواج منه أن استهتاره وعدم تحمله للمسئولية سيجعلها تلجأ في النهاية لمحكمة الأسرة لترفع دعوى خلع لتحصل على حريتها وتنهي حياتها معه.
اقرأ أيضا
جميلة: مكنش عايز يتحمل المسؤولية ووالدي اللي كان بيصرف علينا
قالت «جميلة»: “اتجوزت من جاري وعشت معاه 9 سنين وجبت طفلين، ومن بعد الخلفة والمشاكل بدأت معاه، مكنش بيصرف علينا ومش عايز يتحمل المسئولية، كان راجل مش كويس. والدي هو اللي كان بيساعدنا طول الوقت، كل السنين دي أنا عايشه وبستحمل عشان الدنيا تكمل ومخربش البيت”.
جوزي كان ميعرفش حاجة عن بيته
تابعت «جميلة»: “كان كئيب والحياة معاه حزينة ومشفتش معاه يوم فرحة، كان مش شايل مسئولية أي حاجة ميعرفش حاجة عن البيت، قبل الجواز كان يبان مؤدب جدًا ومحترم واتخدعت إنه شخص كويس ويصلح للجواز، الخلافات بينا كل مادى كانت بتزيد لحد ما الحياة بينا بقت صعبة ولا تحتمل مكنش في بينا أي اتفاق”.
اقرأ أيضا
مش عايز يطلق عشان ميدفعش حاجة
أضافت الزوجة: “قررت اسيبه لما جبت أخري معاه، خدت ولادي ومشيت رحت عند أهلي، وهو مبيسألش ولا بيصرف عليا أو على عياله، سنتين سايبه البيت ومفيش صلح وكل شوية يكلمني يعمل معايا مشكلة، طلبت منه الطلاق مش عايز يطلق عشان ميدفعش حاجة”.
رافعة قضية الخلع لنفسي
تحدثت «جميلة» عن أزمتها في محكمة الأسرة وقالت: "لجأت لمحكمة الأسرة لما ملقتش حد معايا، والدي كان بيساعدني ولما اتوفى ملقتش حد معايا، رافعة دعوى خلع لوحدي عشان معيش فلوس أجيب محامي، واحدة نصحتني إني أجي وأرفع القضية لوحدي عشان أخلص من جوزي، من ساعة ما سيبت البيت وهو ميعرفش ولاده ومبيشوفهمش ولا حتى بيرفع عليهم سماعة التليفون".
تابع أحدث الأخبار عبر
