دنيا في دعوى خلع: "خدرني في العصير.. واتجوز جارتنا اللي أكبر منه ومربياه"
رضت «دنيا» أن تعيش مع زوجها في غرفة بيت أمه من أول زواجهم وعاشت سنين مع زوحها ورضت بالضرب والإهانة ورضت بقليلها وعاشت وتحملت حتى أنها رضت بوجود ضرة لها ولم يقدر زوجها أي مما تحملته من أجله فخدعها وكذب عليها وتركها وحيدة مع أولادها على أعتاب محكمة الأسرة.
دنيا في دعوى خلع
تزوجت «دنيا» في سن صغير من زوجها وعاشت في غرفة في بيت والدته وكانت حياتهم طبيعية ولهم جارة في الخمسين من عمرها ربت زوجها وكان تعاملها طبيعي معهم حتى اكتشفت «دنيا» أن زوجها غدر بها وتزوج من هذه الجارة بعد 7 سنين زواج، ووافقت دنيا حتى لا تخرب على نفسها وحتى تربي أولادها ولكن زوجها وزوجته الثانية لم يتركوها لتعيش حياتها.
قالت «دنيا»: عشت معاه 7 سنين جواز كان معايا على طول وجنبي أول ما احتاجه، لحد ما عرفت إنه اتجوز واحدة جارتنا كانت مربياه بيقلها يا طنط عندها 53 سنة وهو عنده33 سنة، جابلها شقة تمليك وأعد فيها وافقت على جوزاه وقلت مش مشكلة اعتبره بيغيب في الشغل لكنه مرضيش وطردني من البيت وراميني بتلت عيال ومبيصرفش على العيال ولا بيسأل عليهم.
«دنيا»: جوزي خدرني عشان يبصمني على وصل
أضافت «دنيا»: "مكنش وحش قبل ما يتجوز لكن من بعد ما اتجوزها وحاله اتبدل وبقي بني آدم تاني ضرب وبهدلة ووصل بيه الأمر إنه في مرة سقاني عصير تفاح اللي بحبه وأكلني بسبوسة معرفش إنه حاططلي مخدر في العصير وكان عايز يبصمني على وصل لكن ربنا ستر إني فقت وملحقش وبعد كدة عرفت إنه خلاني عملت توكيل وأنا معرفش لأني مش متعملمة وبالتوكيل خلاني اتنازلته عن كل حقوقي.
في زواج «دنيا» كان زوجها يصرف القليل عليها وعلى أولادها فكان يعطيهم 20 جنية في اليوم ووافقت «دنيا» حتى تعيش وتربي أولادها ولجأت حاليا لحل المحاكم ورفعت دعوى خلع ودعوى نفقة حتى تستطيع أن تصرف على أطفالها الثلاثة الذي رماهم والدهم من أجل زوجته الجديدة.
تابعت دنيا رواية قصتها متأثرة: بعد كل حاجة عملها كنت عايشة عشان أربي العيال لكن في يوم أهله اتفقوا معاه عليا عشان يمشوني مع إني مكنتش وحشة مع أي حد من أهله، هو كلم أخويا وقاله تعالى خد أختك أنا مش عايزها خفت ياخد مني عيالي فمشيت الساعة 11 بليل بهدوم البيت، رفعت خلع لأنه مش راضي يطلقني.
