«آخرة الإدمان».. آية في دعوى خلع: جاله مرض معدي بسبب المخدرات ومش قادرة أكمل
المخدرات من أكبر أسباب لجوء العديد من السيدات لمحكمة الأسرة حتى ينهون حياتهم مع أزواج تدمرت عقولهم وسيطرت عليهم المخدرات وعلى وعيهم. تلجأ السيدات لطلب حل من المحكمة قبل فوات الأوان وأن يطولهن الضرر، وهذا ما حدث مع «آية».
تزوجت «آية» وأنعم الله عليها بنعمة الأطفال وأنجبت طفلين، وبعد الزواج بـ 6 سنين اكتشفت أن زوجها مدمن مخدرات، حاولت بكل الطرق أن تعالج زوجها وتحافظ على بيتها، وعند يأسها ولجؤها لأهلها لم ينقذها أحد أو يقف بجانبها، حتى وصل الأمر بزوجها انه أصيب بمرض معدي HIV بسبب إدمانه للمخدرات، وقررت أن تلجأ لمحكمة الأسرة لتهرب منه قبل أن يصيبها المرض ويكون قد فات الأوان وتعيش في ندم لباقي حياتها.
اقرأ أيضا
بعد 6 سنين اكتشفت إنه مدمن للمخدرات
أوضحت المحامية مشكلة «آية» وقالت: الزوجة عندها 27 سنة والزوج 30 سنة، متجوزه بقالها 8 سنين، ومعاها ولد وبنت من جوزها، وبعد 6 سنين اكتشفت إنه مدمن مخدرات، من ساعة ما عرفت وهي بتحاول تعالجه لكن كل محاولاتها فشلت، كان في مشاكل بينهم كتير لكن أهلها كانوا بيقولوا لها تستحمل وتعيش، وكانت عايشه وساكته لكن بعد اللي عرفته عنه مكنش ينفع تكمل معاه.
كان بيسرقها وبيبيع حاجتها من وراها عشان فلوس المخدرات
أضافت المحامية: جوزها كان بيسرقها وبياخد حاجتها ويبيعها من وراها ويضربها ويهينها، وهي كانت عايشه معاه على أمل إنه يتعالج ويبطل مخدرات لكنه مبطلش، لحد من قريب لاحظت عليه التعب ومكنش بيعمل معاها علاقة شرعية، راحوا يكشفوا عليه في المستشفى طلبوا منهم اشاعات وتحاليل بينت انه عنده مرض معدي الإيدز (HIV) وده جاله بسبب المخدرات اللي بيتعاطاها.
اقرأ أيضا
"متقدرش تكمل معاه بسبب المرض المعدي اللي اتصاب بيه بسبب المخدرات"
تابعت المحامية: بعد ما عرفت اللي عنده كشفت وعملت تحاليل عشان تطمن على نفسها ولما عرفت انها كويسة قررت أنها تسيبه فورا وخدت عيالها ومشيت راحت عند أهلها خافت لو كملت معاه يأذيها هي وعيالها، أهلها رفضوا أنها تكمل معاه وتواصلوا معاه إنه يطلق وهو رفض يطلق لأنه مش في وعيه أصلًا، ومبيسالش على عياله ولا بيشوفهم، دلوقتي هي رافعة عليه دعوى خلع ونفقة ومرضيتش ترفع دعوى طلاق ضرر عشان متقولش سبب الانفصال ومرضه.
تابع أحدث الأخبار عبر
