سمية في دعوى خلع: بعد 23 سنة جواز استغل إني غضبانة وباع الشقة بحاجتي
23 عاما من العذاب كانت المدة التي قضتها «سمية» مع زوجها، وهي الآن تتواجد على أعتاب محكمة الأسرة، شاردة في عمرها الضائع بعد سنوات من الإهانة المستمرة طوال زواجها، وتتذكر والدموع في عينيها ما حدث معها وما صبرت عليه كثيرًا من أجل أولادها.
على مدار 23 سنة حاولت «سمية» أن تحافظ على كيان أسرتها وبيتها، وفي كل مشكلة كانت تحاول تهدئة الأمور؛ حتى لا يخرب بيتها، ولكن زوجها نسي عشرة كل هذه السنين، وسقاها المر بألوانه، وفي نهاية المطاف ما فعله زوجها بها جعلها تلجأ لمحكمة الأسرة وترفع دعوى خلع.
اقرأ أيضا
«سمية»: جوزي مكنش كويس معايا من أول جوازنا
قالت «سمية»: اتجوزت من 23 سنة، وخلفت بنتين وولد، متجوزين جواز صالونات، ومكناش نعرف بعض من قبل الجواز، من أول الجواز وهو مش حنين عليا، بس أنا كنت بمشي الدنيا وأقول مع العشرة هيتحسن، لكن اللي حصل العكس مع العشرة، كل مدى بقى أسوأ، وبالرغم من كدة استحملت وعشت عشان عيالي ميتبهدلوش.
«سمية»: مكنش بيكمل في شغلانة
تابعت الزوجة: من ساعة ما خلفنا وهو مبيصرفش ولا عايز يتحمل مسئولية أي حاجة، وهو ده كان أساس كل المشاكل، مكنش عايز يصرف خالص، وكان مبيكملش في شغلانة، سنين وأنا عايشة في الهم ده، ولما اغضب واروح عند أهلي يرجعوني لما ييجي ويقول معلش وهشتغل، وأرجع ألاقيه نفس الكلام ومبيتغيرش.
«سمية»: سرق حاجتي وانا مش موجودة واختفى
أكملت «سمية»: وصل بيه الأمر إنه ساب وظيفة حكومية انفصل منها بسبب الإهمال وإنه مش ملتزم في الشغل، وتعبت معاه، كلمته كتير، وحاولت معاه كتير ومفيش فايدة، وآخرتها بقى يضربني لما اطلب منه مصاريف العيال، لحد ما في مرة حصلت بينا مشكلة كبيرة، وغضبت وسبت البيت ساعتها ورحت عند أهلي، كانت المشكلة برضو بسبب إنه مبيشتغلش، واستغل الفرصة وأنا عند أهلي وباع شقتي اللي عايشين فيها وأنا مش موجودة، مش بس كده، ده باع الشقة بحاجتي كمان، واختفى ومعرفلوش طريق، حقي راح ومش عارفة اجيبه، وبعد كل السنين دي جيت المحكمة عشان أرفع دعوى خلع، وأخلص منه.
تابع أحدث الأخبار عبر
