نسمة في دعوى نفقة: أخره 700 جنيه شهريًا ولما رفضت أرجعله وقف خط التليفون
من بداية زواج «نسمة» بدأ ظهور وجه زوجها الحقيقي، ومن يومها وهي عاشت في ألم مستمر، وحياة دمرت نفسيتها ونفسية أطفالها، وتحملت كل هذا لأنها كانت لا تريد خراب بيتها وأن يتشرد أطفالها ولم تعلم أن قرارها هذا نتائجه ستكون أسوء من قرار الطلاق الذي خافت أن تأخذه.
"كل لما أطلب من طليقي أي مصاريف يقولي روحي خلي المحكمة تنفعك" هذا ما قالته «نسمة» عن سبب تواجدها في محكمة الأسرة.
تزوجت «نسمة» وهي في بداية حياتها وانجبت 3 أولاد وكان أقصى أحلامها أن تعيش وتربي أولادها في سلام لكنها لم تعلم ما يخبئه القدر لها، عاشت «نسمة» 21 سنة من المشاكل والألم والقهر مع زوجها وتحملت من أجل أولادها ولكن بعد كبر سن أولادها قررت أن تضع حد لمعانتها مع زوجها.
اقرأ أيضا
كنت بكبر دماغي وأعدي عشان معملش مشاكل مع أهل جوزي
قالت «نسمة»: “اتجوزت من 21 سنة خلفت 3 ولاد، الكبير 21 سنة التاني 18 و الصغير 10 واطلقت ودي من 3 سنين، ومن ساعتها وأنا مرتاحة بعد ما خلصت من العيشة معاه، اتجوزت في بيت عائلة وبيت العائلة مبيخلاش من المشاكل بس كنت بكبر دماغي وأعدي”.
معيشتش معاه يوم مرتاحة
تابعت «نسمة»: “المشاكل مع جوزي كانت من زمان كان بيعمل مشكلة على أي حاجة، خناقات طول الوقت مشاكل كل يوم حتى مع العيال معيشتش معاه يوم مرتاحة، وكنت بستحمل عشان خاطر ولادي وأقول لو اتطلقت هييتبهدلوا من غير أبوهم”.
اقرأ أيضا
أخره 700 جنيه في الشهر
أضافت الزوجة: طول حياتي معاه بخل وطول لسان مشاكل وزعيق وخناق وفوق كل ده كان أناني معاه عربية وبيشتغل وبيبخل علينا بالمصاريف، كان أخره 700 جنية في الشهر ومبيكفوش حاجة طبعا ولما أطلب منه زيادة يعمل معايا مشكلة وميرضاش يديني، صبرت لحد ما ولادي كبروا وقررت اسيبه واخلص منه.
وقف خط التليفون لما رفضت أرجعله
أنهت الزوجة كلامها عن معاناتها وقالت: "سيبته وخدت شقه بعيد عنه بقالي 4 سنين، كان بيصرف عليا أنا والعيال في الأول يدوبك للأكل والشرب ومصاريف قليلة وعلى القد، وبعدين بطل خالص، مبيسألش على العيال ولا بيصرف عليهم، حاول يخليني أرجع تاني لكني رفضت ومردتش أرجع، قطع النفقة بتاعتي وبطل يدفعها ووقف خط التليفون باسمي، ولما اتكلمت معاه قالي خلي المحاكم تنفعك، في محكمة الأسرة من ساعتها ومخدتش منه حاجة رفعت دعوى نفقة عشان الايجار والنفقة والمسكن وكسوة وجالي الف جنية بس.