غالية للقاضي: أهل جوزي اتهجموا عليا وسرقوا بيتي بعد وفاته
في وقت من المفترض أن تكون «غالية» فيه في بيتها مع ابنتها وزوجها، وجدت نفسها أمام محكمة الأسرة وحيدة ليس لها سند، لتحصل على حق ابنتها من أهل زوجها الذين أعماهم الطمع والحقد وأخذوا حقها وحق ابنتها اليتيمة.
تزوجت «غالية» وهي في سن الـ19 من رجل محترم توسمت فيه الخير وبعد زواجها أنعم الله عليها بطفلة، وكانت الحياة طبيعية بينها وبين زوجها ومعهم ابنتهم يربوها بينهم، وكان كل حلم «غالية» أن تربي ابنتها وتحافظ على زوجها وعلى بيتها ولكن تدمر حلمها في سنة 2020 وعندما دخل فيروس كورونا مصر وأصيب زوجها به، في يوم استيقظت «غالية» وهي وحدها لأن زوجها لم يستطع مقاومة الفيروس وتوفاه الله، وتركها هي وابنتها ذات الـ4 سنوات وأصبحت متحملة مسئوليتها بالكامل، لم تعلم «غالية» ما تخبئه الحياة لها وأنها ستضطر أن تخطي أعتاب محكمة الأسرة لتحصل على حقها هي وابنتها اليتيمة.
اقرأ أيضا
«غالية»: في يوم وليلة لقيتني لوحدي أنا وبنتي في الدنيا
قالت «غالية»: اتجوزت وأنا عندي 19 سنة وخلفت بنت واحدة عندها 4 سنين دلوقتي، الحياة ما بيني أنا وجوزي كانت ماشية عادي كان كويس ومفيش مشاكل بينا ومش مخليني محتاجة حاجة أنا وبنتي، لحد سنة 2020 جاله كورونا وبعدها جتله جلطة واتوفى، لما اتوفى كانت صدمة كبيرة عليا وفجأة لقيت نفسي لوحدي أنا وبنتي ومعيش حد في الدنيا.
«غالية»: أهل جوزي بانوا على حقيقتهم لما اتوفى
بعد وفاة زوجها لم يراعي أهل زوج «غالية» الحال التي وصلت لها هي وابنتها ولم يصبحوا سندهم في هذه الدنيا، لكنهم كانوا أول من حاول استغلالهم وسرقتهم.
تابعت «غالية»: جوزي كان عنده أخ واحد وخمس بنات، أهله قبل ما جوزي يتوفى كانوا عادي ومكنش في مشاكل معاهم، المشاكل بدأت معاهم من ساعة ما جوزي تعب، أول ما تعب بانوا على حقيقتهم ولما اتوفى بانوا على حقيقتهم أكتر، أهل جوزي زوروا في إعلان الوراثة عشان معرفش أخد ورثي أنا وبنتي.
اقرأ أيضا
«غالية»: صاحب البيت عرف مشاكلي مع أهل جوزي مشاني
أضافت «غالية»: أهله كانوا عايزين يطردوني من شقتي وياخدو حاجتي، وعملتلهم محضر إثبات حالة بالسرقة، اتهجموا عليا بعد المحضر ودخلوا البيت بحجة إنهم يشوفوا البنت وخدوا كل حاجة جوزي ومخلوش أي حاجة تخصه، وفي الأخر قالوا هنيجي تاني ونطردك انتي وأهلك وناخد حاجتك، انا كنت عايشة في إيجار لما صاحب البيت عرف المشاكل دي مشاني من الشقة أنا وبنتي ودلوقتي عايشة مع أهلي.
أنهت «غالية» كلامها وقالت: جوزي اتوفى من سنة و8 شهور وليا من ورثه شقة وأراضي في البلد وطبعا مخدتش حاجة أهله خدوهم، من ساعه وفاته مش عارفة أخد المعاش ورفعت دعوى وصاية عشان أعرف أخد المعاش.
تابع أحدث الأخبار عبر
