«عايش معانا عافية».. صفاء بدعوى خلع: مبيصرفش على عياله وحياتنا بقت محاكم
سنين عاشتها «صفاء» مع زوجها كان عنوانها الصعوبة والقسوة، لكنها تحملتها من أجل أبنائها وحتى لا يخرب البيت، إلا أن أفعاله أوصلتها في النهاية لـ محكمة الأسرة.
زواج معارف كانت الطريقة التي تزوجت بها «صفاء» وأنجبت بعدها أبنائها الثلاثة من زوجها الذي كان لا يصرف عليها أو على أولادها واعتمد على أن زوجته تعمل وتحملت مسؤولية بيتها وأولادها، ولسنين عاشت «صفاء» وكانت هي التي تصرف على بيتها حتى تكفيه، ولكن بعد ما فاض بها الكيل في حياتها مع زوجها قررت أن ترفع عليه دعوى خلع، بالرغم أنهم مازالوا يعيشوا في نفس المنزل سويا.
زواج طبيعي وحياة عادية
قالت صفاء: «أنا اتجوزت من سنين كتير وخلفت كم جوزي 3 أولاد، هو عرفني عن طريق القرايب ولما اتجوزنا في الأول الحياة كانت كويسة ومفيش مشاكل، كان بيشتغل ويصرف على أنا والعيال لكن بعد فترة اتغير ولسه لحد دلوقتي معرفش السبب اللي أتغير علشانه».
مبيصرفش على البيت والعيال
تابعت الزوجة: «جوزي مع الوقت مبقاش يصرف علي أنا أو العيال غير قليل أوي بقى معتمد إني بشتغل وأصرف على البيت وعلى العيال، كان عارف اني مش هسيب ولادي أو بيتي محتاجين حاجة».
مشاكل بسبب المصاريف
أكملت صفاء كلامها: «حاولت معاه كتير إنه يتعدل لكن مفيش فايدة، نعمل مشكلة ونتخانق يقول هصرف، يتعدل شوية وبعدين يرجع تاني زي الأول، لحد ما تعبت منه ومن الحياة معاه، طلبت الطلاق ورفض أنه يطلق».
اقرأ أيضا
دعوى خلع
أضافت صفاء: «رافعة عليه قضية خلع بقالي 6 شهور رفعاها وبتتأجل، رفعت قضية نفقة اتحكملي فيها والخلع لسه، المشكلة إنه لسه عايش معايا أنا والعيال في نفس البيت وعارف إني رافعة عليه قضية خلع جه المحضر ومضى على الورقة مش مصدق إني ممكن ارفع قضية خلع».
رافعة خلع وعايشين سوا
أنهت صفاء حديثها: «هو عايش معانا عافية وعارف إني مش هرجعله تاني وأن كل واحد فينا بقى بينام في أوضة غير التاني، محاولش إنه يصالحني مش مدياله فرصة مش عايزة أكمل معاه خلاص، ومسيبتش البيت لأن مليش مكان أقعد فيه، وأنا مش عايزة منه حاجة عايزة اخلص منه بس».
تابع أحدث الأخبار عبر
