سعاد بدعوى خلع: طفشان من البيت بقاله سنتين
كان حلم «دعاء» منذ صغر سنها هو تكوين اسرة وبيت وعائلة مع زوجها، وعندما كبرت وتزوجت كان كل أملها تحقيق حلمها، لكن أفعال زوجها التي دمرت حلمها وحولته لكابوس مؤلم.
ظهر التغير على زوج «سعاد» من بعد الزواج فكانت تصرفات الزوج غريبة وغير مبررة وكان لا يصرف عليها او على اولادهم إلا على القد، تحملت «سعاد» الحياة مع زوجها ولم تتوقع أن تكون نهايتها في محكمة الأسرة بسبب زوج لم يتقي الله فيها وتركها دون سؤال هي وأولاده لمدة سنتين وتوجهت الزوجة لمحكمة الأسرة حتى تحصل على حريتها الذي يرفض زوجها أن يهعطيها لها ولتعيش لتربي أولادها وتعطيهم مستقبل أفضل.
زواج طبيعي وحياة طبيعية
قالت «سعاد»: أنا اتجوزت من ٢٠١٤ خلفت من جوزي ٣ أولاد، في أول الجواز وفترة الخطوبة كان كويس وغلبان ومفيش مشاكل بينا، ولما خلفنا كان لسه طبيعي وبيشتغل وبيصرف والدنيا ماشية ومفيش مشاكل لكن بعد فترة بدأ يتغير.
جوزي مش طبيعي
تابعت الزوجة: “من بعد ابني التاني جوزي بقى على طول مبيتكلمش وساكت ولو سألت مالك ميقوليش حاجة، كان بيكلم نفسه كتير وعلى طول سرحان، شكيت في كل حاجة أنه ممكن يكون بيشرب مخدرات او أنه يعرف عليا ستات بس مكنش فيه اي حاجة دورت وراه ومكنتش بلاقي حاجة، العيال مكنوش بيتكلموا معاه خالص لأنه على طول ساكت ومبيقعدش معاهم”.
اقرأ أيضا
طفش ومعرفلوش طريق
اكملت «سعاد»: “كان بيصرف على القد ولما أقوله عايزين حاجة زيادة يقول معيش، صبرت عليه وقلت يمكن تعبان او في حاجة، لحد ما في يوم صحيت من النوم ملقيتهوش دورت عليه في كل حته سألت كل الناس هو راح فين وموصلتش لحاجة، أهله عارفين هو فين بس محدش راضي يقولي حاجة عن مكانه”.
دعوى خلع ونفقة
انهت «سعاد» كلامها: “دلوقتي مختفي بقاله سنتين معرفش طريقه فين ، مبيسألش عليا او على أولاده ولا بيصرف وكاننا مكناش موجودين في حياته قبل كدة، قررت أني اجي وارفع قضية خلع وبعد كدة هرفع نفقة عشان حق عيالي ونعرف نعيش”.
تابع أحدث الأخبار عبر
