سعاد في دعوى خلع: كان جواز مصلحة ودلوقتي عايزة اخلص منه
على أعتاب محكمة الأسرة تواجدت «سعاد» وفي عينيها الحزن والحسرة على ما مرت به في زواجها وكانت تبحث عن السعادة التي تستحقها في حياتها بعد زواج لم ترَ فيه أي شكل من أشكال السعادة.
تزوجت «سعاد» زواجا من بدايته كان مبنيا على المصلحة، فكان الزوج غير المصري يريد الزواج للحصول على الإقامة في مصر، وعرض على «سعاد» مبلغا مقابل الزواج لمدة 3 سنوات، ومن وقتها عاشت «سعاد» حياة مليئة بالألم مع زوجها الذي ظهر وجهه الآخر من بعد الزواج، وجعل الزوجة تتوجه في النهاية لمحكمة الاسرة حتى تحصل على حريتها من زوجها الذي بخل عليها بأمواله، وبخل عليها حتى في إعطائها حريتها.
زواج مصلحة
قالت «سعاد»: أنا اتجوزت من 5 سنين، جوزي كان مش مصري اتعرفت عليه عن طريق الشغل، بقالي خمس سنين مراته ومخلفتش منه، وخلاص عايزة اتخلع منه، خلاص مش قادرة اتحمل الحياة معاه، إحنا كان جوازنا جواز مصلحة من الأول، وانا وهو عارفين كده، بس قلت يمكن بعد الجواز يطلع كويس، ونكمل سوا، ويبقى لينا بيت، لكني كنت غلطانة.
بخيل ومش بيصرف
تابعت «سعاد»: اتجوزنا عشان ياخد الإقامة، وفي مقابل الجواز كان المفروض أنا آخد منه مبلغ مدانيش حاجة بعد الجواز، وكان المفروض متفقين نعد مع بعض 3 سنين، بس دلوقتي بقالنا 5 سنين مع بعض، وهو مش راضي يطلقني، من ساعة ما اتجوزته وهو مش بيصرف عليا جنية انا اللي بشتغل واصرف عليه وعلى البيت.
مش راضي يطلقني بالعند فيا
أكملت الزوجة: تعبت منه، ومن بخله طلبت الطلاق كذا مرة، وهو مش راضي يطلقني، بيقول لي هفضل سايبك كده من غير طلاق.. أنا مش متضرر، انتي اللي متضررة، اضطريت أكمل معاه؛ لأن مش معايا فلوس أرفع عليه قضية حتى، لكن فاض بيا الكيل ومبقتش قادرة اتحمل الحياة معاه.
دعوى خلع
أنهت «سعاد» كلامها: أنا مبشوفش منه معاملة وحشة ولا معاملة كويسة، بس لما لقيت إن انا اللي بصرف عليه وهو مكمل في بخله، رفعت عليه قضية خلع عشان اخلص منه.
تابع أحدث الأخبار عبر
