علشان الكيف.. نوال في دعوى خلع: استغل إني مش في البيت وباع العفش
كانت صدمة «نوال» في زواجها كبيرة فكانت لا تتوقع أن يسبب لها زوجها كل هذا الألم الذي عاشت فيه بسببه وكان كل هذا بسبب إدمانه للمخدرات فدمر أسرتهم وجعل حياتها جحيم فترك المخدرات تسيطر على حياته وتدمرها.
تزوجت «نوال» جارها وتوسمت فيه أن يكون خير الزوج لها، لتتفاجئي بعدها أن زوجها مدمن للمخدرات ووصل به إدمانه أنه باع عفش البيت بالكامل من أجل مزاجه وترك زوجته تتحمل مسؤولية بيته وأبنائه وحدها حتى وصلت في النهاية لمحكمة الأسرة تبحث عن أبسط حقوقها التي حرمها زوجها منها حتى الطلاق.
كنا جيران ووثقنا فيه وفي تربيته
قالت «نوال»: أنا اتجوزت من 11 سنة خلفت من جوزي ولدين سايباه من سنة وكام شهر، لما اتثدمليكنا جيران وكنا عارفينه وعارفين أهله وعارفين أخلاقه مكناش نتوقع أبدا أنه ممكن يكون مدمن مخدرات لكن اللي حصل أنه بهدلني معاه وشفت معاه أيام صعبة.
باع عفشي عشان المخدرات
تابعت «نوال»: كان بيشرب مخدرات من زمان وأنا مكنتش أعرف، وبقى بيبيع حاجة البيت كله مخلاش حاجة استغل في مرة اني مش في البيت وباع عفش البيت كله ولما سألته العفش راح فين قالي باعه عشان كان مديون وهيتحبس، مقدرتش وقتها أقوله حاجة سكت وقلت هعمل ايه وكملت معاه عشان خاطر العيال ميتبهدلوش.
مكنتش أعرف انه مدمن مخدرات
أكملت «نوال»: بعد ما ساب البيت على البلاط بقيت أنا اللي اجيب سرير ودولاب واجهز البيت من جديد كنت ببني في حاجة مهدومة، ولما تعبت منه لقيته مبيتغيرش يشتغل وقت ما يحب ويعد من البيت وقت ما يحب، بقيت أنا اللي اشتغل واصرف على البيت وعلى العيال.
دعوى خلع ونفقة
أنهت «نوال» كلامها: سيبتله البيت وأهلي قالولي احنا مش مأمنين عليكي معاه لأنه خلاص دماغه مبقتش فيه بسبب المخدرات بقى وجوده أسوء من عدمه مبيصرفش وانا اللي شغالة، لما لاقيت الدنيا كدة و زهقت منه لقيته مبيصرفش ولا بيدفع جنية رفعت عليه قضية خلع ونفقة، عشان أقدر أشوف حياتي أنا وولادي من غيره.
تابع أحدث الأخبار عبر
