«المخدرات شقلبت حياتنا».. سحر في دعوى خلع: كل ما أطلب منه الطلاق يعيطلي
قصدت “سحر” دعوى خلع لتنقذها من حياتها التي يعتريها المخدرات من كل الجهات بسبب إدمان الزوج المفرط الذي كان السبب في دمار حياتهم الزوجية، حاولت الإصلاح كثيرًا حتى تحافظ على استقرار زوجها من الخراب ولكن تمادى الزوج في إدمانه كان السبب في لجوئها لمحكمة الأسرة.
المخدرات شقلبت حياتنا
تبدأ الزوجة رواياتها لـ "الحادثة" مؤكدة على أنها تعاني مع زوجها المدمن الذي كان السبب في تحول حياتها التي كانت تنعم بالاستقرار والسعادة الغامرة.
وتتابع: "حياتنا بقالها 10 سنين كانت زي الفل وعايشين من غير مشاكل وقرف، بس من ساعة ما عرف المخدرات وهو بقى واحد تاني خالص وحياتنا اتشقلبت ومبقتش عايشة معاه يوم واحد عدل"، مضيفة: "حاولت معاه بكل الطرق إنه يبطل اللي بيشربه دا بس هو مش راضي، ومش مراعي إنه عنده عيال وبيت وبدل ما يركز معاهم راح مشي ورا اصحابه اللي وده في داية".
كل ما أطلب منه الطلاق يعيطلي
طلبت «سحر» الطلاق مرات كثيرة بسبب المشكلات المستمرة التي تعيش فيها ليلاً نهارًا بسبب تغير الزوج معها هي والأولاد، وأصبح لا يلتفت لشيء في حياته إلا المخدرات والكيف فقط، كان الذي يجعلها تتراجع عن قرار الانفصال هو وعده لها بأنه سيتغير ويصبح أفضل.
تستكمل الزوجة رواياتها: "زهقت منه، مبقاش مركز معايا أنا والعيال وكل اللي بيفكر فيه هو الشرب وبس، طلبت منه الطلاق كتير عشان مبلاقيش حاجة بتتغير، بس هو كل مرة يقعد يعيطلي ويقول لي خلاص هتغير ودي آخر مرة وهبقى واحد تاني خالص"، مضيفة: "كنت برجع واقول يمكن يكون بيتكلم صح المرة دي، بس يدوب يضمن إني رجعت البيت خلاص ويزيد أكتر واكتر في شربه، لحد ما وصل لمرحلة مش كويسة خالص وانا مبقتش عارفة اتعامل معاه".
تختتم الزوجة الحديث قائلة: "خلاص مبقتش أصدقه تاني، رحت سبت البيت ورفعت عليه قضية خلع عشان عارفة إنه مش هيطلقني وهيقعد يعيطلي زي كل مرة، وأنا مش هرجع تاني عشان مش عايزة عيالي يتربوا مع أب مدمن زي دا"
تابع أحدث الأخبار عبر
