«مدوباهم اتنين».. دعاء في دعوى خلع: الأولاني طفشت من أهله والتاني غايب بقاله 10 سنين
تزوجت «دعاء» في حياتها مرتين وفي كل مرة كان حلمها أن تستقر في بيتها مع زوجها؛ ولكن في المرتين عاشت تجارب مؤلمة عليها لم تتوقع أن تحدث معها.
دعاء في دعوى خلع: الأولاني طفشت من أهله والتاني غايب بقاله 10 سنين
انتهى زواج دعاء الأول بسبب تدخلات أهل زوجها وخرجت من هذا الزواج وهي تحمل حسرة على حالها وابنتها معها، وفي الزواج الثاني ظنت أن الوضع سيكون مختلف وستعيش حياة طبيعية مع زوجها، كانت تعلم «دعاء» بوجود مشاكل بينها وبين زوجها لعدة أسباب منها المصاريف وعدم تقبله لأبنتها من زواجها السابق ولكنها لم تتوقع أن تستقيظ في يوم لا تجد زوجها في أي مكان.
وعاشت «دعاء» 10 سنين وحدها دونه وربت أولادها الذي لا يصرف عليهم أبيهم وفي النهاية وصلت لمحكمة الأسرة حتى تحصل على حريتها.
جوزي الأول سيبته بسبب عمايل أهله
قالت «دعاء»: أنا اتجوزت أول مرة كنت صغيرة كنا قرايب من بعيد اتجوزت سنتين بس وبعد ما اتجوزت بفترة خلفت بنتي، أنا وجوزي مكنش في بينا مشاكل، الخلافات كلها كانت مع أهله فضلوا ورايا وعملوا معايا مشاكل كتير لحد ما اضطريت اتطلق من جوزي مقدرتش أكمل معاه بسببهم.
مش طايق بنتي
تابعت «دعاء»: بعد الطلاق بنتي كانت معايا واتقدملي عريس ووافقت عليه وقلت يمكن ربنا يعوضني ويبقى ليا بيت استقر فيه، لما اتجوزت كان معايا بنتي من جوزي الأول وفضلت عايشة معانا مكنش ليا حد اسيبها معاه، جوزي في الأول مكنش عنده مشاكل أنها معانا لكن بعد فترة كان في مشاكل على المصاريف وانه مبيصرفش كفاية، وبقى يتحجج بأن بنتي هي السبب أن مفيش فلوس.
جوزي طفش
أكملت «دعاء»: لحد في يوم صحيت ملقتش جوزي في حته دورت عليه في كل مكان ملقتهوش ومعرفش مكانه، بعد فترة عرفت انه اتجوز وعاش حياته خلاص من غيرنا، بقاله 10 سنين مختفي طول المدة دي مهتمتش اتطلق كنت عايشة على امل يرجع ويتعدل حاله لكنه محصلش، مكنش بيصرف علينا ولا كأنهم عياله، والعيال بالنسبالهم أبوهم مات مشفتهوش من 10 سنين.
دعوى خلع
أنهت «دعاء» كلامها: مبقاش موجود في حياتنا خالص ومحاولش يرجعنا تاني هو استقر مع مراته التانية وسابنا مع اني كنت بتقي ربنا فيه ، جيت ارفع قضية خلع عشان خلاص مش عايزة أفضل على ذمته.
تابع أحدث الأخبار عبر
