حسناء بمحكمة الأسرة: بيطردني أنا والعيال من البيت عشان عايزنا نصرف عليه
سنين عاشتها الزوجة مع زوج لم يتحمل المسئولية يوما في حياته، وكانت كل جهوده في الحياة أن يجعل زوجته حزينة في حياتها بأفعاله، وحاولت الزوجة بكل الطرق أن تصلح حاله من أجل أولادهم لكن ما فعله معها جعلها تلجأ لمحكمة اﻷسرة لتطلب ان تنهى حياتها معه.
اقرأ أيضا
اتحملت 18 سنة والحياة معاه كانت صعبة
بدأت حسناء رواية قصتها مع زوجها لموقع الحادثة وقالت: اتجوزت من 18 سنة وخلفت ولدين، من زمان وجوزي مبيصرفش، وبيته على طول ناقص ومحتاج بس أنا كنت بحاول أمشي الدنيا عشان مخربش البيت، الحياة معاه كانت صعبة كان بيشتمني ويضربني، ومش راضي يشوف شغلانة تانية ويصرف على ولاده، ومبيكملش في شغلانة.
مسيبتش جوزي بالرغم إنه بيخوني
لمدة 18 سنة تحملت حسناء طباع زوجها وظروفه الصعبة، ولكن ما وجدته في المقابل هو قهر وخيانة من زوجها الذي لم يقدر أي من تضحياتها ولم يحاول أن يتغير ويتحمل مسئولية أسرته.
تابعت الزوجة: اكتشفت إنه عارف واحد علي وعلى علاقة بيها بقاله ٣ سنين، ساكنة في الشارع اللي احنا ساكنين فيه، ولما اقوله مينفعش اللي بتعمله يقولي ملكيش دعوة انا حر، وبالرغم من كدة سكت ومتكلمتش ومسيبتوش قلتله انت اللي هتتحاسب مش أنا وعيشت وربيت عيالي.
جوزي يطردني من البيت في عز الليل
أضافت حسناء: لما كنت بقوله شوف شغلانة عشان عيالك محتاجين للمصاريف، يقولي روحي انتي اشتغلي واصرفي عليهم، ويضربني ويطردني من البيت، الضرب كان من زمان بس انا كنت بتحمل عشان خاطر ولادي، لكن الطرد هو اللي مقدرتش اتحمله، كان بيطردني ٢ ونص بليل في رمضان لما يعمل معايا مشكلة، وسيبته لأنه طردني كذا مرة، وهو لما يطردني وملاقيش حته اروح فيها يبقى مينفعش أكمل معاه.
بيطردني أنا وعياله عشان عايز حد يصرف عليه
أكملت الزوجة الحديث عن زواجها المؤلم وقالت: طردني ٧ مرات من الشقة بسبب ومن غير سبب، حتى طرد ابني كذا مرة عشان عايزه يشتغل ويصرف عليه وابني صغير وعنده مدرسة، دلوقتي اعده عند اخويا وهو واخد الشقة ومش عارفة اخدها منه تاني، ورافعة عليه دعوى خلع عشان اخلص منه.
تابع أحدث الأخبار عبر
