«عشان ينتقم لحبيبة القلب».. أسماء في دعوى خلع: جوزي فبركلي فيديوهات وطردني من بيتي
منذ زواج «أسماء» وبدأت خيانة زوجها لها وحاولت الزوجة بكل الطرق أن تحافظ على بيتها وأسرتها التي بنتها ولكن زوجها لم يقدر أي من محاولاتها ودمر أسرتهم.
" يعرف عليا واحدة من قبل ما نتجوز ومقدرش يسبها من ساعة ما اتجوزنا" هذا ما قالته «أسماء» عن زواجها الذي كان يملئه الحزن والقهر والخيانة وأوصلها في النهاية لأعتاب محكمة الأسرة حتى تنهي حياتها مع زوجها الي لم يريدها من الأساس وكان يريد سيدة أخرى ولم يراعي شعور «أسماء» طيلة زواجهم وخانها ولم ينكر أو يشعر بالذنب أبدا.
اقرأ أيضا
جوزي بيخوني من ساعة ما اتجوزنا
قالت «أسماء»: انا اتجوزت من2017، خلفت ولد ست سنين وبنت سنتين، كان جواز صالونات، جوزي بيخوني من ساعة ما اتجوزنا، مع واحدة كان يعرفها من قبل الجواز ومقدرش يسبها بالرغم انها اتجوزت وهو كمان المفروض بقى عنده بيت وأسرة يحافظ عليها.
اتحايل عليا أرجعله وبعد كده خاني
تابعت «أسماء»: يعرف عليا واحدة من قبل مانتجوز وبعد ما اتجوزت اكتشفت انه لسه بيكلمها لما عرفت سيبته وجه صالحني ورجعني ووعدني إنه مش هيرجع يكلمها تاني، واكتشتفت بعد فترة انه بيكلمها تاني لما شفت كل كلامهم على التليفون.
اقرأ أيضا
لفقلي فيديوهات عشان ينتقم مني
أضافت «أسماء»: لما عرفت إنه بيكلمها تاني واجهته ومأنكرش، وبعد كدة لفقلي فيديوهات وقال اني بسرق المحلات وأعرف عليه رجاله، عمل معايا كده عشان كان معايا تسجيلات ليه وهو بيكلمها وصور ليها، وعشان اتنازل واديله الحجات اللي ماسكاها عليهم فبركلي الفيديوهات دي وبيعملي فضايح في كل حته.
رفض يطلقني عشان ميدفعش جنيه
أضافت الزوجة: اللي كان يعرفها عليا كانت متجوزة وعندها عيال، وهو كان متفق معاها إنه يطلقني ويسبني وهي تطلق من جوزها، لما لاقيت مفيش فايدة ومش راضي يسبها رحت قلت لاهلها ووريتهم الحجات بتاعتها اللي عند جوزي لما اكشتفت انه لسه بيكلمها، لما عرف نشر الفيديوهات اللي فبركها ليا وقال عليا كلام وحش للناس كل ده عشانها، ورفض انه يطلقني عشان ميدفعش فلوس مؤخر ولا نفقة، ودلوقتي رفعت عليه دعوى خلع عشان أخلص منه أنا دلوقتي اللي بقيت مش عايزاه.
تابع أحدث الأخبار عبر
