«عايزين يجوزونا بالغصب».. رحمة للقاضي: أهل أبويا اتهجموا علينا وطردونا من البيت
تواجد على أعتاب محكمة الأسرة ثلاث بنات في أول عمرهن وفي أعينهن الدموع بسبب القسوة والغدرالذي واجهوه في حياتهن من أقرب الناس إليهم أهل أبيهن، الذين من المفترض أن يكونوا سند هذه البنات في الدنيا ولكنهم كانوا عكس ذلك تمامًا.
رحمة للقاضي: أهل أبويا اتهجموا علينا وطردونا من البيت
في يوم من الأيام منذ 6 سنوات استيقظ الثلاث بنات «رحمة وهند وسلمى» وأمهم ولم يجدوا أبيهم في البيت أو العمل أو في أي مكان بجوارهم، تركهم الأب بدون سبب واختفى ولا يعرفوا طريقه حتى الأن، بعد فترة يأس البنات في أن يجدوا أبيهن، واضطروا أن يتحملن مسئولية أنفسهن ويساعدن أمهن، وبدل أن يقف أهل والدهن بجانبهن كانوا مصدر ألم في حياتهن وجعلوهن يلجأن لمحكمة الأسرة ليجدوا حل لمشكلتهن.
أبويا اختفى من 2017 ومنعرفش مكانه فين
قالت«رحمة» الأخت الكبرى للثلاث بنات عن سبب تواجدهن في هذا السن على أعتاب محكمة الأسرة: احنا تلت بنات أن الكبيرة رحمة 23سنة ، هند 20 سنة وسلمى 18 سنة، في 2017 أبويا اختفى فجأة من غير أي سبب ومنعرفش ليه طريق من ساعتها، ومن وقتها واحنا عايشين مع أمنا هي اللي بتاخد بالها مننا واضطرينا اننا ننزل ونشتغل ونصرف على نفسنا ونساعدها، لأن أبونا اللي كان سندنا اختفى.
أهل أبويا محدش بيسأل فينا من بعد ما اختفى
تابعت «رحمة»: أهل أبويا من ساعة ما أبويا اختفى، كانوا ساعات بيسألوا وساعات لا بس عمرهم ما كانوا كويسين معانا ومساعدوناش نلاقي أبونا خالص من ساعة ما اختفى، ولا ساعدونا في مصاريف ولا أي حاجة، احنا اللي اتحملنا مسئولية نفسنا وكنا عايشين ومسلمين أمرنا لله.
أهلنا اتهجموا علينا وضربونا عشان عايزين يجوزونا غصب
أضافت «رحمة»: لحد ما أهل أبويا فجأة كلمونا وقالولنا أننا لازم نسيب القاهرة ونرجع بلدنا السودان ونتجوز ونعد جنبهم، ولما رفضنا عملوا معانا مشاكل وكانوا عايزين يجوزونا غصب، ولما رفضنا نسافر ونتجوز هناك هما جم القاهرة ضربونا وطردونا من البيت، مكناش عارفين نعمل ايه وقتها، أمي كانت هتموت من الضرب اللي اتضربته، رحنا عملنا محضر عشان اللي عملوه فينا، وجينا محكمة الأسرة نطلع ورق، وهما لسه مش سايبنا نعيش في حالنا.
تابع أحدث الأخبار عبر
