أم شروق للقاضي: رافعة على جوزي دعوى خلع وأنا عايشة معاه في نفس البيت وهو ميعرفش
٢٨ عام عاشتهم «أم شروق» مع زوج لم يقدرها أو يكن لها ضهر أو سند في الدنيا ولكنه دفعها لمحكمة الأسرة لترفع دعوى خلع، لتنقذ نفسها من العذاب الذي عاشته مع زوجها طوال هذه السنين و لا زالت تعيش معه حتى الآن.
تزوجت «أم شروق» من ٢٨ عام وكانت في ال١٥ من عمرها صغيرة ولا تعلم لكثير في الدنيا وكانت تأمل أن تعيش مع زوجها حياة مستقرة وتبني أسرة وتربي بناتها وبعد زواجها رزقها الله بنعمة الأطفال وانجبت ٣ بنات، منذ زواجها وبدأت المشاكل مع الزوج واضطرت الزوجة أن تتحمل زوجها فقط لأن ليس لها مكان تلجأ له سوى بيت زوجها الذي تعيش فيه عذاب وألم، ولكن ضاقت بها الحياة مع زوجها واضطرت أن تلجأ لمحكمة الأسرة لترفع دعوى خلع على زوجها.
اتجوزت عيله ١٥ سنة
قالت «أم شروق»: أنا متجوزة بقالي ٢٨ سنة اتجوزت وأنا عيله ١٥سنة، وخلفت ٣ بنات من ساعة ما اتجوزت وفي مشاكل بيني وبين جوزي عمر ماكان في بينا تفاهم، طول الوقت بهدلة وإهانة وعمره ما اتقى ربنا فيا
عشت ٢٨ سنة بهدلة
.تابعت «أم شروق»: معاملته طول السنين زي الزفت اهانة وبهدلة ومفيش اهتمام الفلوس، على أكل وشرب بس، عيالي كلهم التلاتة متعلموش بسبب انه مبيصرفش عليهم كلهم جاهلين واشتغلوا عشان يعرفوا يصرفوا على نفسهم من وهنا صغيرين، الحياة معاه كانت ضرب ومد ايد وكانت مستحيلة وكلها مشاكل، عيشت واتحملت عشان معايا تلت بنات لازم استحمل هروح بيهم فين مفيش مكان اعد فيه.
رفعت عليه خلع وأنا لسه معاه في نفس البيت
أضافت الزوجة: دلوقتي مبقتش عارفة اعيش معاه، اخر حاجة عملها معايا مد ايده عليا قدام الناس عشان بقوله اي فلوس بتجيلك بتاخدها ومتسألش في البيت قالي ده اللي عندي امال اصرف عليكي انتي وبناتك، قدام ناس غريبة ضربني وبهدلني وتبعت منه ومبقتش قادرة اتحمل الحياة معاه
أنهت «أم شروق» كلامها وقالت: عايشة معاه ورافعة عليه دعوى خلع، ميعرفش اني رافعة عليه خلع، بناتي المتجوزين بس عارفين اني رافعة خلع
تابع أحدث الأخبار عبر
