«وراني العذاب ألوان».. وفاء بدعوى خلع: بيضربني بأي حاجة تيجي في طريقه
دعوى خلع كانت هي الوسيلة الوحيدة التي تهرب من حياتها التي عانت فيها لأكثر من 20 سنة مع زوج همجي، اعتمد الضرب في معاملته مع زوجته، تغاضت مرات كثيرة ولكن اكتشفت أن هذا أكبر خطأ ارتكبته في حق نفسها، وقررت اللجوء في النهاية لـ محكمة الأسرة ورفع دعوى خلع.
وفاء بدعوى خلع: بيضربني بأي حاجة تيجي في طريقه
استهلت عزيزة قصتها للقاضي وهي تروي معاناتها مع زوجها ن بداية الزواج بسبب ضربه وإهانته لها طوال سنوات الزواج، حاولت أن تتأقلم مع نصيبها ولكنها فشلت وبدأت المشكلات والخلافات تزداد يومًا بعد يوم بسبب ضرب المبرح لها الذي يعتبر في أحيان كثيرة تعذيب، تضيف الزوجة: "أعرفه من زملن وأحنا أصلا قرايب ومتجوزين عن حب، وكنت فاكرة حياتنا بعد الجواز هتبقى بمبي بس كنت غلطانة، عشان من ساعة ما اتجوزنا وهو موريني الويل بسبب معاملته اللي تقرف دي"، تستكمل: "في الخطوبة كان ليه كذا موقف كدا معجبونيش بس قلت أكيد الجواز حاجة تانية، وطلع فعلا حاجة تانية غير اللي كنت فاكراها".
عايشة مع همجي
تحطمت كل أحلامها في العيش حياة يملأها السعادة مع شريك الحياة الذي اختاره قلبها وكل ما واجهته في عش الزوجية ليس له أي صلة بالحياة التي رسمتها في خيالها، تتابع وفاء: "من أول الجواز وأنا لقيته بيتعصب بسرعة أوي، قلت يمكن عشان لسة في الأول ومش عارفين نتفاهم، بس لما الموضوع زاد عرفت إن دا أسلوبه العادي في التعامل"، أضافت: "اتخانقنا كتير أوي بس كل مرة الموضوع بقا يعدي ومكنتش ببقى عايزة أكبر المواضيع وحاولت كتير اتفاهم معاه بس أسلوبه صعب أوي إنه حد يتفاهم معاه".
بيضربني بأي حاجة جمبه
لم تتلخص المشكلات في أسلوبه العصبي فقط ولكنه لجأ للضرب المبرح بكل الأشكال، هنا كانت بداية المشكلات الحقيقة التي جعلتها تفكر في الانفصال الحتمي، تستكمل وفاء: "كنت بعديله الأول عشان بقول بلاش اعمل مشاكل عشان وقت عصبية، بس بقا يمد إيده وياريته ضرب عادي، دا بيضربني بأي حاجة جمبه حتى لو إيه، على الحال دا بقالي 20 سنة وكنت بعدي عشان خاطر العيال وأقول بلاش أخرب البيت"، بدأت الزوجة في نهاية قصتها وتقول: "فاض بيا بعد 20 سنة وكان لازم اسيبه وكفاية لحد كدا، رفعت قضية خلع عايزة اخلص منه بأي طريقة ومش عايزة حاجة من وشه".
تابع أحدث الأخبار عبر
