«دماغه اتحلست لما خلف ولد».. شيماء للقاضي: قالب البيت نص ستات ونص رجالة
بعد عشره دامت 19 سنة قررت«صفاء» أن تنهي العذاب الذي تعيش مع زوجها، في واحدة من الدعاوي الغربية في محكمة الأسرة كان السبب في طلب «صفاء» الانفصال عن زوجها هو ابنهم.
شيماء للقاضي: قالب البيت نص ستات ونص رجالة
" دماغه اتلحست من ساعة ما خلف ولد وهو وابنه سبب خراب البيت" هذا ما قالته «شيماء» أخت «صفاء» التي تواجدت بجانب أختها في محكمة الأسرة حتى تقدم لها يد العون والمساعدة وتساعدها في تخطي الأزمة التي عاشتها مع زوجها وتساعدها في التخلص منه ومن تحكماته الغير منطقية.
اقرأ أيضا
بقالها 19 سنة مستحملاه
قالت «شيماء»: اختي جت ترفع دعوى خلع على جوزها اللي اتجوزته من 19 سنة، خلفت منه بنت وولد وسابته بقالها سنتين ونص، من أول الجواز اكتشفت إنه بخيل وعصبي ومتحكم ونرجسي أهم حاجة نفسه وبس، من زمان كدة بس الأهل كانوا بيرجعوها ويقولولها متخربش بيتها.
دماغه اتلحست بعد ما خلف ولد
تابعت «شيماء»: من ساعة ما خلفت الولد وهو متحكم وتحكماته غريبة، فاصل البنت وأمها أكل وشرب ونوم في أوضة وهو والولد في أوضة تانية، كان بيضربها بسبب الولد لو كلمته أو زعقتله زي أي أم وبيخلي ابنها يتطاول عليها.
اقرأ أيضا
بيصرف على نفسه وابنه وسايب مراته وبنته
أضافت «شيماء»: أختي أخدت بنتها ومشيت بسبب الولد وتحكمات جوزها في التعامل معاه متكلميهوش ومتزعقيش وأعملي اللي هو عايزه أكل لوحده وشرب لوحده محدش ياخد أكله أو يجي جنبه، ولما مبقاش يصرف عليها هي أو بنتها بيصرف على الولد ويخرجه ويجيب ليهم هما الاتنين لبس وميسألش في مراته أو بنته، واهلها هما اللي بقوا يساعدوها ويصرفوا عليها عجبوا الموضوع وبقى يجيب الأكل يقف يسويه ليه هو وابنه وياكلوا هما بس وميسألش في مراته وبنته كأنهم جيران.
الولد أبوه بوظ دماغه
تابعت «شيماء» كلامها وقالت: سابتله البيت واعدت هي وبنتها في مكان تاني بعتلها الولد عملها مشاكل كتير معاها، الولد نسخة من أبوه لما أعد معاه والدنيا فضيت من حواليهم شخصيتهم بانت مع بعض ومبقوش قادرين يتحملوا بعض، الولد بقى غير سوي واخد كل دماغ باباه مقدرتش تتحمله ورجعته لأبوه، وهو بقى مبيصرفش خالص من ساعة ما سابته رفعت نفقة وطلبت الطلاق رفض يطلقها من غير ما تتنازل عن كل حاجة.
تابع أحدث الأخبار عبر
