سميرة بمحكمة الأسرة: بعد 20 سنة جواز فبركلي صور عشان يعملي فضيحة
20 سنة من الإهانة والألم والشك تحملتهم «سميرة» من أجل أولادها وألا تخرب بيتها، لكن عندما يصل الأمر في اتهمها في شرفها هذا لم تتحمله أو توافق عليه «سميرة».
" استحملت جوزي 20 سنة وفي الأخر بيتهمني في شرفي" هذا ما قالته «سميرة» عن السبب الذي أوصلها في النهاية لمحكمة الأسرة، تزوجت «سميرة» وانجبت 4 أبناء ولمدة 20 سنة تحملت ضرب وإهانة وشك من زوجها فقط من أجل أبنائها وحتى لا تخرب بيتها لكن زوجها لم يقدر أي من تضحياتها وخان ثقتها فيه واتهمها في شرفها فقط حتى يتركها ولا يعطيها أي من حقوقها.
اقرأ أيضا
اتجوزت صغيرة 19 سنة
قالت «سميرة»: اتجوزت من 20 سنة وكان عندي 19 سنة لما اتجوزت كنت صغيرة ومعرفش حاجة في الدنيا، كان جواز صالونات معرفتوش قبل الجواز، خلفت أول واحدة بنت وهو مكنش بيحب خلفة البنات فالمشاكل بدأت من ساعة ما خلفت، لحد ما جبتله الولد اللي كان نفسه فيه والمشاكل مقلتش بالعكس دي كل مادى كانت بتكتر.
استحملت ضرب وإهانة 20 سنة عشان خاطر ولادي
تابعت «سميرة»: عشت معاه 20 سنة، حياتنا كلها مشاكل وشك واهانة ليا أنا وأهلي، استحملت ضرب وإهانة طول السنين دي كان يضربني ويسبني أنا وال 4 عيال عند أهلي، وكانوا بيضغطوا عليا ويخلوني اروح عشان خاطر عيالي ميتبهدلوش لو اتطلقت.
اقرأ أيضا
جوزي سرق تليفوني وخد صوري وبيهددني بيها
أضافت الزوجة: سيبته من شهرين بس، لما سرق تليفوني وخد صور ليا من على التليفون وانا متصورة بلبس البيت وفبركها وغير فيها واتهمني أنها اتبعتتله من رقم غريب، وقال انا كنت شايفك مع واحد في كافية، والكلام ده طبعا كله كدب ومحصلش، عرفت ان هو اللي عمل كدة وفبرك الصور لما قالي هعمل نفسي مشوفتش الصور بس اتنازلي عن كل حاجة ليكي ونطلق.
حرق قلبي على ابني الصغير اللي واخده مني
أكملت الزوجة: مكنتش مصدقة ان جوزي ممكن يعمل فيا كدة ويتهمني في شرفي كل ده عشان يطلقني واتنازل عن كل حاجة وميبقاليش حاجة، قررت ساعتها أنى اسيبه ومرجعلوش تاني، أخد مني ولادي، واخد مني طفل رضيع مببنامش من الخوف عليه وهو مبيصرفش ولا بيسأل، جيت محكمة الأسرة عشان ابني الصغير، الكبار ممكن يرجعولي انما الصغير هيعمل ايه من غيري.
تابع أحدث الأخبار عبر
