«هربان من 2019 وعليه نص مليون نفقة».. دينا للقاضي: "جوزي كان هيموت بنتنا من الجوع"
الكثير من الفتيات يحلمن بارتداء الفستان الأبيض وتدخل القفص الذهبي وتصبح أم وزوجة، لكن هناك فتيات تتحول أحلامهم لكابوس مؤلم وينتهي بهم الأمر أمام محكمة الأسرة وبداخلهن أمل أن يحصلن على الحياة التي يستحقوها مثل «دينا»
تزوجت «دينا» في سن الـ25 وتقدم لها زوجها عن طريق أحد أقاربهم ووافقت عليه بعد أن أكد لها الجميع حسن أخلاق زوجها وطباعه، وكان يتيم الأب و الأم ووحيد في هذه الدنيا وظنت أنها ستنهي وحدته ويعيشوا حياتهم كأسرة سويا لكن حصل العكس تماما ولم يستطيع زوجها تحمل مسئولية بيت وأسرة وظل عالق في وحدته حتى انتهى به الأمر وحيدا مجددا بدون زوجته وابنته بسبب أفعاله
«دينا»: كان بياكل برة ويسبني جعانة في البيت.
قالت «دينا»: أول ما أتقدم كان بيشتغل بره وبيدعي إن معهوش فلوس أنا ساعدته وجهزت الشقة كانت في بيت عائلة وهو جاب حجات بسيطة ومعشناش فيهالأن بعد 4 أيام على طول خدني معاه وسافرنا عيشنا في قطر لأن كان شغله هناك وعشت معاه أيام وراني فيها الويل.
تابعت: العيشة هناك مكنتش كويسة أو مناسبة هو أتعود إنه يعيش لنفسه وميشيلش مسئولية حد فكان مبيصرفش عليا غير قليل أوي، وأنا عايشة معاه بياكل ويشرب بره وأنا مفيش أكل ليا، المشكلة إن كان في فلوس بس مكنش بيصرفها علينا وملوش أهل يبعتلهم الفلوس كان بيصرفها على نفسه بس، يجيب يدوب على قد ما نقدر نعيش ولما يخلص يقولي أعملك إيه.
جوزي كان هيموت بنتنا من الجوع
أضافت الزوجة: بعد 4 شهور لما سافرنا حملت وولدت بنتي في التأمين رفقا مني بحاله مع إنه معاه فلوس ولدت هناك، الوضع ازداد سوء مكنتش باكل لأن مفيش أكل وأقدر أرضع البنت وهو طبعا مكنش بيجبلها لبن صناعي البنت كانت هتموت من الجوع.
اقرأ أيضا
قالت «دينا» عن سبب تركها زوجها: اللي خلاني أسيبه إني جبت أخري منه ومن عمايله، كنت بقوله أنت بتاكل من برة وعايش حياتك أنا وبنتك نعمل ايه؟!، يقولي المفروض تصعبوا عليا عشان سايبكم جعانين يعني، الموقف ده وجعني وصعبت عليا بنتي أنا أقدر استحمل إنما هي ذنبها إيه، لما مبقتش قادرة استحمل وصعبت عليا بنتي اتخانقت معاه وساعتها اتحول لشيطان وكسر البيت عليا عشان يخوفني، كلمت أهلي وبعتولي التذكرة عشان أرجع أنا وبنتي.
«دينا»: هربان من 2019 اتراكم عليه نص مليون نفقة
لما أصريت على الطلاق طلب مني اتنازل عن كل حاجة ولما رفضت وقلت هرفع قضايا اختفى ومعرفش مكانه فين ومش لاقياه من 2019 مشفتوش ولا هو شاف بنته وسافر، استنيته سنة إنه يعقل ولما لاقيت أن مفيش فايدة رفعت طلاق ضرر وبعد الطلاق نفقة ليا انا وبنتي لكنه اختفى ومعرفش هو فين ومخدتش منه ولا مليم ولحد دلوقتي بلف عشان اعرف أجيب حقي أنا وبنتي وهو اتراكم عليه نص مليون نفقة.
تابع أحدث الأخبار عبر
