«أخره 200 جنيه في الأسبوع».. أم أمينة للقاضي: "جوز بنتي معيشها في بهدلة"
ظروف المعيشة الصعبة أثرت على جميع الناس وعلى جميع الطبقات، وأوصلت بعض الأسر لمحكمة الأسرة ليجدوا حل لخلفاتهم ولتستطيع بعض الزوجات الحصول على حقوقها وحقوق أولادها، إذا كانت ظروف الزوج صعبة تحاول بعض الزوجات أن تتحمل وتعيش وتقف بجانب زوجها، ولكن عندما تعلم أن زوجها يبخل عليها وعلى بيتهم لا تستطيع التحمل أو الصبر.
تمنت والده «أمينة» أن تجد ابنتها رجل صالح يقدر على حمايتها ويصون عرضها، حتى تقدم لابنتها شاب وتوسمت فيه أن يكون خير الزوج لابنتها ويرعاها ويصونها لكن لم تعلم أنها سينتهي بها الأمر مع ابنتها على أعتاب محكمة الأسرة في محاولة منها لإعطاء ابنتها حياة جديدة وتكون لها سند يعطيها الأمل بعد ما مرت به في زيجتها، والأم في الأساس تحتاج من يعطيها الأمل ويطمئنها أن كل شيء سيكون بخير في المستقبل.
اقرأ أيضا
كنت بساعد بنتي عشان متطلقش ويتخرب بيتها
قالت «أم أمينة»: «جوز بنتي لما تقدم لها مكنش يبان عليه إنه هيبهدلها ويعمل فيها اللي عمله ده، وافقنا عليه بعد ما سألنا عليه والناس قالولنا انه كويس ومحترم، خلفت منه بنت بقالها متجوزة 3 سنين شافت فيهم بهدلة وشتيمة وإهانة محدش يستحملهم، واستحملت عشان تعيش وتربي بنتها بين أمها وأبوها».
أضافت «أم أمينة»: «من ساعة ما اتجوزت والمشاكل بينهم على المصاريف، كان بيديها 200 جنية في الأسبوع وبعد مشاكل كتير بقوا 300 جنية ومكنوش بيكفوا برضوا، لكن كنت بقولها تستحمل ظروف جوزها وتقف جنبه وأنا كنت بساعدها على قد ما أقدر، كنت بديها واساعدها يا فلوس يا اشتري حجات واديهالها وكنت عايزه اشوفها مرتاحة ومبسوطة وبيتها ميتخربش».
اقرأ أيضا
حما بنتي هو اللي كان بيخلي جوزها ميصرفش عليها
أكملت الأم: «حما بنتي كان متدخل في كل حاجة، بنتي اكتشفت أن حماها هو اللي مبيخليش جوزها يصرف عليها لما سمعته بيقوله متديهاش فلوس واديها على القد بس، بنتي كانت بتحاول تعيش وتمشي حياتها بينها وبين جوزها ولما تتكلم معاه يقول ظروفه ومعهوش بس هي هتعمل ايه وتعيش ازاي هي وبنتها، ولما طلب منها تخدم أهله وافقت بس برضوا معاملته الوحشة فضلت مكملة وكمان أهله كانوا بيعاملوها وحش فمقدرتش تستحمل العيشة دي، هو لو كويس ومحافظ عليها ومش مبهدلها كنت خلتها كملت معاه لكن هو مبهدلها ومطلع عنيها شتيمة وبهدلة وبنتي لما جابت أخرها ومبقتش قادرة تستحمل خلاص، صعبت عليا قلتلها خلاص تعالي أعدي عندي وسيبيه، دلوقتي بقالها 4 شهورمعايا وهو مبيصرفش عليها ولا على بنته ودلوقتي رفعت عليه دعوى خلع ونفقة».
تابع أحدث الأخبار عبر
