كريمة بمحكمة الأسرة: 20 سنة ضرب وإهانة وصلت في الآخر إنه يفتحلي دماغي
سنين عاشتها «كريمة» في إهانة وحسرة وتحملت على أمل أن يتغير زوجها في يوم من الأيام ولكن بعد 20 سنة وجدت أنه لا يوجد أمل مع زوجها ولن ينصلح حاله.
بالرغم بكل ما مرت به «كريمة» بمعاناة مع زوجها لمدة 20 سنة ووفاة بنتها وخسارتها لدعوى النفقة التي رفعتها من أجل الحصول على حقوقها هي وأبنائها، مازالت تحمل الابتسامة على وجهها وترى أمل في المستقبل وتتواجد في محكمة الأسرة حتى تحصل على حقوق أبنائها التي حرمهم والدهم منها.
اقرأ أيضا
استحملت بهدلة 20 سنة
قالت كريمة: كان بقالي 20 سنة متجوزة لما اتطلقت، جوزي كان مجنون محدش يستحمل يعيش معاه، كان خناقات 24 ساعة بسبب ومن غير سبب وضرب وشتيمة وإهانة، في الأول فضلت سنة مبخلفش وكان في مشاكل وخناقات بسبب ان محصلش خلفة، ولما خلفت المشاكل بقت اكتر.
فتحلي دماغي بسبب مشكلة تافهة
تابعت كريمة: خلفت خمس عيال ومات مني بنت، كنت عايشة وبستحمل عشانهم، لحد ما بقيت مش قادرة استحمل وجوزي كان بيزيد في الضرب كل مادي كان الضرب بيوصل لتكسير العضم وصل انه في مرة فتحلي دماغي بسبب مشكلة تافهة، انا حتى مش فاكرة سببها ايه وسيبته قبل ما يموتني أو يعمل فيا حاجة أنا او العيال.
اقرأ أيضا
ولادي الكبار خايفين يقفوا قصاد أبوهم في المحكمة
أضافت الزوجة: اتطلقت بعد ما رفعت دعوى خلع لأنه طبعا رفض يطلقني عشان يبهدلني مش أكتر، رفعت دعوى نفقة من سنة وتلت شهور عشان أقدر أصرف على ولادي الصغيرين اللي مبيسألش فيهم، ولادي الكبار خايفين يقفوا قصاد أبوهم في المحكمة ويطالبوا بحقهم عشان اللي ممكن يعمله فيهم ايه، اتحكملي في دعوى النفقة وخدت ورق إني اصرفها، لكن وقتها كنت مع بنتي اللي اتوفت في المستشفى، والورق ضاع قبل التنفيذ، ومقدرتش أخد حق ولادي.
تابعت كريمة رواية مشكلتها وقالت: دلوقتي مطلوب مني رقم المحضر وأنا مش فاكراه، والمحامي اللي رفعلي القضية كان رافعها بيساعدني لوجه الله ودلوقتي مش عارفة اجيبه، وانا مش معايا ورق أو صيغة تنفيذية اثبت بيها اني رفعت دعوى نفقة وكسبتها وبلف في المحاكم عشان أخد حق ولادي.
تابع أحدث الأخبار عبر
