«سرق عفشي واختفى».. إسراء في دعوى خلع: مش عايزه غير الطلاق
في وسط انشغال «إسراء» في تجهيزات فرحها حدث معها أكبر صدمة مرت عليها في حياتها، فاختفى زوجها ولم تجده في أي مكان وحاولت الوصول له بكل الطرق لكنها لم تجده وتحول يوم فرحها الذي تنتظره بفارغ الصبر ليوم مشؤم تكره حتى تذكره.
وافقت «إسراء» على الزواج من عريسها الذي اختاره قلبها ووافقت أن تكون زوجة ثانية له وتحدت الجميع من أجل أن تتزوجه، وكانت تأمل أن تكمل حياتها معه، لكن كذب عريسها المستمر عليها وسرقته لها وتركه لها قبل فرحهم بأيام، كل أفعاله دمرت حلمها وجعلتها تلجأ لمحكمة الأسرة قبل حتى أن تدخل بيت الزوجية.
اقرأ أيضا
وافقت أكون زوجة تانية وواجهت الناس كلها عشانه
قالت إسراء: أنا وجوزي كنا نعرف بعض من 3 سنين وهو كان متجوز وانا كنت عارفة وموافقة اني أكون زوجة تانية، اتقدملي ووقفت قصاد الناس كلها لحد ما وافقنا على الجوازة، المفروض كنا هنتجوز في شهر 9 ولما كتبنا الكتاب كنا هنتجوز بعد شهرين لحد ما بدأت معاملته تتغير.
أنا اللي كنت مأجره الشقة اللي هنتجوز فيها وجايبه العفش اللي فيها
أضافت إسراء: “كنا لسه متجوزناش وعملنا فرح، مكتوب كتابنا بس، الشقة اللي كنا هنتجوز فيها أنا اللي كنت مأجراها، أنا كنت مجهزة البيت كله، كنا في مشاكل بقالنا فترة بسبب انه كان بيكذب في حجات كتير و بيختفي كتير ويقولي أنا بشتغل في مكان وبعدين اكتشف انه في مكان تاني وبيكدب عليا”.
سرق العفش واختفى قبل الفرح بشهر
تابعت إسراء: “لحد ما كان فاضل على الفرح شهر بس اختفى تمامًا ومعرفتش اوصله في أي حته ودورت في كل مكان، ورحت الشقة اللي كنا هنعيش فيها بعد الفرح فيها لقيتها فاضية خالص، سرق العفش كله اللي أنا جايباه واختفى ومش عرفاله طريق، بكلمه عشان اتواصل معاه تليفونه مقفول، ولما بيفتحه ويرد عليا ميدنيش عقاد نافع ويقولي أنا مسافر وهرجع قريب ومبيرجعش ولا بيرجعلي حاجتي اللي سرقها”.
مش عايزه حاجتي أنا بس عايزه أطلق
أكملت إسراء كلامها وقالت: “رفعت عليه دعوى خلع، لأني مش عايزة منه حاجة بس عايزاه يطلقني، وحتى لما جيت ارفع القضية مش معايا عنوان يوصل عليه إعلان القضية، مراته الأولى لسه معاها ومطلقهاش بس أنا مليش أي تواصل معاها ومفيش حد قادر يساعدني”.
تابع أحدث الأخبار عبر
