«الأول عربجي.. والتاني مدمن».. حسناء بدعوى خلع: «بخاف يعمل حاجة في بنتي وهو مش واعي»
تزوجت «حسناء» وهي في بداية حياتها ولم يوفقها الله في هذا الزواج وتطلقت وهي مازالت صغيرة، وعندما تزوجت للمرة الثانية ظنت أنه سيكون عوضها عما رأته في حياتها لكنها كانت مخطئة.
«الأول كان عربجي.. والتاني طلع مدمن».. هذه كانت بداية قصة «حسناء» التي مازالت في أول الثلاثين، لكن ما رأته في حياتها جعلها تبدو أكبر من عمرها بعشرين عاما.
تزوجت «حسناء» وهي 19 عامًا من شخص، وكان أخلاقه سيئة ولم تستطع أن تكمل حياتها معه بعد إنجاب طفلة منه، وبعد زواجها مرة أخرى ظنت أن الحياة ابتسمت لها، لكن ما كان يخبئه القدر لها كان أسوء مما تتوقع، فاتضح أن زوجها الثاني «مدمن للمخدرات» وعاشت معه رعب لم تعشه من قبل، وكان هو السبب في أنها لجأت لمحكمة الأسرة حتى تتخلص منه.
اقرأ أيضا
جوزي الأول كان بيجري ورايا في الشارع بالسكينة
قالت «حسناء»: أتجوزت وأنا عندي 19 سنة لواحد وكنت صغيرة لسه مش فاهمة حاجة، وأول ما أتجوزته المشاكل بدأت، كان عربجي وقليل الأدب يضربني ويشتمني ويبهدلني وكان بيجري ورايا في الشارع بالسكينة، خلفت منه بنت وقررت اسيبه عشان ألحقها من اللي ممكن يعملوا معاها.
استحملت جوزي التاني عشان مش زي جوزي الأول
تابعت «حسناء»: جوزي التاني كان جاري واتجوزته في 2017 وقلت يبقى ليا بيت يسترني، لكنه كان بيشرب برشام وحشيش ومعرفتش غير بعد ما اتجوزته، خلفت منه ولد وبنت وكنت عايشه عشانهم، وقلت كفاية مبيمدش ايده عليا زي جوزي الأول وعيشت واستحملته.
اقرأ أيضا
بخدم في البيوت عشان أقدر أصرف على عيالي
أكملت «حسناء» كلامها وقالت: إنا كنت بشتغل في حضانة وباخد 180 جنيه في الشهر وبخدم في البيوت عشان أقدر أصرف على عيالي، كان بيضربني كل فين وفين، طول ما كان معاه فلوس كان ملوش دعوة بيا ولا بيعمل معايا مشاكل، أول ما يبقى مش معاه يضربني عشان ياخد مني.
كنت بخاف يعمل حاجة في بنتي وهو مش في وعيه
تابعت الزوجة: دايمًا بخاف على بنتي الكبيرة منه ليعمل فيها حاجة وهو مش في وعيه، كان بيطفش بـ 3 شهور و6 شهور ولما يرجع أساله كنت فين يقولي مفيش شغل، كنت بدور على شغل عشان أعرف أصرف عليكوا، لحد ما طفش المرة دي بقاله سنة ومعرفش مكانه فين، لما لاقيت الوضع كدة قلت خلاص مفيش فايدة معاه، جيت محكمة الأسرة عشان أرفع دعوى خلع ونفقة عشان أقدر أعيش أنا وولادي.
تابع أحدث الأخبار عبر
