دنيا في دعوى نفقة : "لسانه طويل ومسألش على بنته من ساعة ما تولدت"
3 أشهر فقط عاشتهم «دنيا» في بيت زوجها، بعد أن كان حلمها مثل أي بنت أن تعيش في بيتها مع زوجها وتربي ابنتها، لكن زوجها دمر هذا الحلم وتركها هي وابنتهم وحدهن دون ضهر أو سند.
تزوجت «دنيا» قريب لها من بعيد وكانت لا تعرفه قبل الزواج لكن كلام الأقارب لها طمأنها وجعلها تتخد خطوة الزواج منه، وبالرغم من العلامات التي ظهرت على زوجها قبل زواجهم واعتراضها على أسلوبه وطريقته لكن أهلها رفضوا أن تتركه وأصروا على إتمام الزواج، وكان نتيجة قرارهم هذا أنها الآن في محكمة الأسرة تبحث عن حقوقها منه.
اقرأ أيضا
لسانه الطويل بان من أيام الخطوبة
قالت دنيا: اتخطبت 3 شهور بس اتجوزت من 3 سنين وأعدت في بيتي بس 3 تلت شهور، جوزي كان قريبي من بعيد هما اللي اتوسطوا وقالولي انه كويس ومحترم وأنا مكنتش أعرفه قبل الجواز خالص، في فترة الخطوبة وقبل كتب الكتاب بان عليه إنه بيغلط وبيشتم كتير، لكن بابا رفض أن الجوازة متكملش، أنا اللي كنت جايبة معظم العفش اللي اتجوزنا بيه أبويا صعب عليه وقال نساعده حرام، من بعد الجواز على طول المشاكل بدأت مشاكل وطول لسان ومكنش بيصرف، أخره 30 جنية في الأسبوع، وأنا كنت مستحملة مشاكله ومشاكل أهله وبمشي الدنيا.
سيبته لأني كنت خايفة يموتني أنا واللي في بطن
أضافت الزوجة: كنت حامل في التالت وحصل بينا خلاف بسيط ضربني في بطني وأنا حامل وجالي نزيف كنت هجهض بسببه، رحت عند أبويا لأني كنت خايفة يموتني أنا واللي في بطني ولما مشيت سابني وأنا حامل محاولش يصالحني أو يردني، وكملت عند أبويا فترة حملي كلها ولما ولدت، مرضيش يجي ساعة الولادة رغم أن أبويا كلمه قاله تعالى شوف بنتك اللي هتتولد.
اقرأ أيضا
مسألش على بنته من ساعة ماتولدت
تابعت الزوجة: بعد محايلات أنه يجي يشوف بنته اللي مسالش عليها من ساعة ماتولدت، جه شاف البنت وساب فلوس قليلة جدا ومشي، كلم أبويا وحش وغلط فيه لما قاله تعالى سمي بنتك، واتهجم علينا بحجة انه عايز يشوف البنت وحاول يكسر الباب وشتيمة وقله ادب قدام الجيران، وقتها قلت خلاص أنا مش عايزاه ومش هعرف أعيش معاه، مطلقنيش رفعت عليه دعوى خلع وكسبتها وبعدها رفعت دعوى نفقة عشان بنتي اللي هو مبيسالش فيها ولاتعرف أبوها أقدر أعيشها وأصرف عليها.
تابع أحدث الأخبار عبر
