عزة في محكمة الأسرة: ضربني وطردني في نص الليل عشان الست اللي بيكلمها
عاشت «عزة» تجربة مؤلمة في زواجها فانتهت حياتها مع زوجها باهانتها واختياره لعلاقاته النسائية بدل من أن يختار زوجته وأبنائه الذي من المفترض ان يكون ضهر وسند لهم في الدنيا.
ضربني وطردني في نص الليل عشان الست اللي بيكلمها
توسمت «عزة» في زوجها الذي عندما تقدم لها بان عليه أنه شخص محترم سيحميها ويصونها ويرعاها أن يكون سند وعون لها وتعيش معه حياة طبيعية وتنجب منه ابنائها وتكون معه اسرة، ولكن تفاجئت بعد زواجها منه ان في طبعه الخيانة وكلمت حاولت الزوجة ان تغير من طباعه بائت محاولتها بالفشل حتى وصلت في النهاية لمحكمة الأسرة، بعد أن ضربها وطردها زوجها في الليل من أجل واحدة من السيدات التي كان على علاقة به وطلبت منه «عزة» ان يحافظ على كرامتها ولا يتحدث امامها ولم تحد من زوجها سوى الضرب والاهانة.
عريس مثالي
قالت عزة:« جوزي لما اتقدملي مكنش فيه غلطة كان راجل كويس جدا وشكله محترم وابن ناس وافقت عليه على طول وقلت هو ده هيكون عوضي في الدنيا، لكن بعد الجواز كل حاجة اتغيرت، بقى واحد تاني، خلفت منه ولدين وهما دول كان السبب اني اتحمل اللي عمله فيا طول السنين دي.»
بيخوني طول الوقت
تابعت عزة:«كان بيخوني مع ستات كتير وكنت بعرف لما الاقيه متغير، بيخوني من زمان وكل مرة اواجهه ميبطلش اللي بيعمله، دمر ثقتي في نفسي وخلاني كنت كارهة الحياة معاه، بس بعد كدة فضلت معاه عشان خاطر ولادي ميتبهدلوش واتحملت وعملت نفسي مش شايفة عمايله وخيانته.»
محدش يقدر يتحمله
تابعت عزة«كان مع الوقت طبعه الوحش بيزيد كان بيخوني كتير وستات ومكنش بيبات في البيت ولا بيصرف على ولاده، لحد في مرة تعبت منه كان قاعد بيكلم واحدة في التليفون قلتله كلمهم في الشارع مش قدامي حتى مسكني ضربني وشوهني وطردني في الشارع عشان واحدة كان بيكلمها على التليفون.»
دعوى طلاق ضرر
انهت عزة كلامها:« مشيت مش معايا اي حاجة، وهو رفض يديني اي حاجة من حاجتي حتى هدومي، خد كل حاجتي مش سايبلي حاجة، رفعت قضية طلاق ضرر ومش عارفة اخد منه حاجة.
تابع أحدث الأخبار عبر
