عايدة بدعوى خلع: « باع حلل البيت عشان مزاجه وبيشم بودرة قدام عياله»
كانت المخدرات هي السبب التي أوصلت «عايدة» لمحكمة الأسرة فإدمان زوجها للمخدرات كان أقوى من قدرة تحملها وصبرها على حالها معه، وغريزتها لحماية أولادها من والدهم المدمن أوصلتها لهذه النهاية.
باع حلل البيت عشان مزاجه وبيشم بودرة قدام ولاده
تزوجت «عايدة» زواج صالونات ومن بعد زواجها انجبت أطفال وظنت حلم الأسرة المستقلة سيتحقق ولكنها كانت مخطئة، فكان اكتشافها أن زوجها مدمن للمخدرات مفاجأة لم تتوقعها، وحاولت «عايدة» أن تعالج زوجها على أمل أن تحافظ على أسرتها ولكن عاد زوجها للمخدرات مرة أخرى، وخافت وقتها «عايدة» على مستقبلها ومستقبل أولادها مع زوجها فتوجهت لمحكمة الأسرة حتى تنقذ مستقبلهم.
جوزي مبيصرفش علينا
قالت «عايدة»: أنا اتجوزت من 11 سنة خلفت من جوزي بنتين وولدين وسيبت جوزي وانا حامل في أخر بنت، في الأول مكنش في بينا مشاكل والحياة عادية، لكن بعد فترة كان في مشاكل على المصاريف ومع الوقت المشاكل كانت بتزيد كان بيشتغل بس على طول معهوش فلوس.
جوزي طلع مدمن مخدرات
تابعت «عايدة»: لحد ما عرفت انه بيشرب مخدرات لما لقيته بيبيع عفش البيت والحلل ولما واجهته قالي مخدتش حاجة بس فضلت وراه لحد ما عرفت انه مدمن مخدرات، معرفتش أعمل ابه ساعتها كنت أول مرة اتحط في موقف زي كدة، بس مكنتش عايزة أخرب بيتي عشان خاطر ولادي.
اقرأ أيضا
خدته يتعالج وفي الأخر رجع للمخدرات تاني
أضافت «عايدة»: حاولت أعالجه من إدمانه عشان خاطر ولادي، أنا مكنتش أعرف انه مدمن مخدرات بقاله كتير لما وديته يتعالج بس لقيته بيقول أنه بيشرب مخدرات من ساعة بنتي التانية اللي عندها كان 4 سنين كل ده وانا معرفش، وديته يتعالج على أمل أنه يرجع لولادة سليم.
بيشم بودرة قدام ولاده
أكملت «عايدة»: في فترة ماكان بيتعالج أنا اللي كنت بشتغل وأصرف على ولادي، ولما خرج من المصحة في الأول كان كويس وقتها حملت في بنتي الأخيرة، عرفت إنه رجع للمخدرات لما لقيته بيشم بودرة قدام ولادي قررت اسيبه ساعتها ومرجعلوش تاني أبدا ومن بعد ما سيبته محاولش يرجعنا خالص، جيت أرفع قضبة خلع ونفقة عشان أقدر أكفي مصاريف ولادي.
تابع أحدث الأخبار عبر
