حكايات من محكمة الأسرة | بيضربني ليل نهار .. وأزهري بيخوني

حكايات غريبة من داخل محكمة الأسرة، ينقلها موقع الحادثة، حيث التقى بعض السيدات اللائي جئنا إلى محكمة الأسرة بحثًا عن الانصاف والنصرة فيما يجدنه من معاناة مع أزواجهم.

حكايات من محكمة الأسرة 

عند دخولنا محكمة الأسرة التقينا بسمية، كانت قاعدة على جنب وعلى وشها حزن الدنيا كله، وعينها مليانه بالدموع، سألناها مالك؟، وانهارت من العياط، طيبنا خاطرها وبعدين حكت حكايتها.

سمية قالت، إنها جاية عشان تتابع قضية الخلع اللى رفعاها على جوزها، وقالت كمان، إن جوزها مش عايز ينفصل عنها، لأنه بيحبها، لكن كل تصرفاته ملهاش علاقة بالحب، كل شوية يضربها ويهينها، على أتفه الأسباب.
قالت كمان، إنها اتحملت 5 سنين من الذل وقالت: "اتجوزته وأنا في تانية كلية وكان بيحبني جدا أول الجواز وكان بيجبلي الأكل في أوضة النوم لما يكون عندي امتحانات ومبيخلنيش أعمل حاجة".    بس الدنيا اتغيرت فجأة من ساعة ما عرفه إنه مبيخلفش، وبدأت معاملته تتغير ومع مرور الوقت بدأ الوضع يزيد سوء، بقى متعصب طول الوقت ومد إيده عليا كذا مرة على حاجات تافهة وعايزيني اعمله صينية بطاطس الساعة 2 بليل".

وتابعت: أن الأكل كان من أهم الأسباب في المشكال بينهم بسببه وزنه زاد أوي، بقا تخين جدًا من كتر الأكل، وأنا مبحبش الناس التخينة وقولتله كذا مرة يخس، وهو برضو مش مهتم بجسمه ولا بلبسه".

المشاكل زادت بنهم بسبب رغبته إنها تلبس النقاب، ولكنها كانت ترفض في كل مرة، "كل شوية يقولي إلبسي النقاب وأنا مش عايزة، وبعد ما رجعنا من العمرة خلاني ألبسه بالعافية ولبسته فعلًا".

وقالت إن جوزها اداها وعود كتير بأنه هيتغير ويصبح شخصا جديد ولكن في كل مرة كان يخيب أملها. "كل ما أطلب منه الطلاق يقولي هتغير ومش هضربك تاني وبرضو بيرجع يضربني، أنا زهقت ومش قادرة أعيش معاه تاني خلاص".

بيخوني مع بنات كتير من دول عربية

القصة التانية لواحدة اسمها علا، لسه صغيرة في السن، اتجوزت وهي صغيرة ومكانتش موافقة عليه، بس اضطرت تتجوزه عشان ترضى أهلها قالت: "بابا غصب عليا اتجوزه وأنا مكنتش موافقة".. بابا شاف جوزي راجل ملتزم لأنه أزهري، وقال ده جوز بنتي اللى هيصونها ويخاف ربنا فيها، رغم إنه من عيله على قد حالها وأنا من عيله كبيرة، بس بابا كان عايز واحد يصوني وخلاص، لكن من أول شهر جواز بدأت المشاكل بنا تكبر، بسبب الفروق الاجتماعية الكبيرة، لكنها عاشت زي أي زوجة واستحملت وخلفت منه عيل، وقالت: "وبعد مرضيت بيه اكتشفت إنه متجوزني عشان طمعان فيا وفي فلوسي ومكنش بيرضي يصرف في البيت وبيخليني أنا اللي أصرف.

اكتشفت "علا" خيانة زوجها من تسجيل سجله ابنها بالخطأ وهو بيتكلم مع عشيقته: "فتشت الموبايل بتاعه ولاقيته بيخوني مع بنات كتير من دول عربية مختلفة."

بعد اكتشافها للخيانة قررت ترفع عليه دعوى خلع، مهو مينفعش أعيش مع واحد خاين: "مبقتش أحس معاه بالأمان ومش عايزة منه حاجة، هكسب القضية وامشي أنا وابني بعيد عنه وهعيش بورث أبويا ومش عايزة حاجة من حد".

تابع أحدث الأخبار عبر