«بعد 15 يوم جواز».. همسة بدعوى خلع: اكتشفت إنه بيخوني مع كل بنات الشارع
3 سنوات كانت المدة التي قضتها «همسة» مع زوجها الذي لم يقدرها أو يصونها منذ زواجها منه، وفي مدة قصيرة أوصلها لمحكمة الأسرة بسبب أفعاله.
همسة بدعوى خلع: اكتشفت إنه بيخوني مع كل بنات الشارع
كانت «همسة» مثل أي بنت تعيش حياة طبيعية وكانت تأمل أن يصبح لها بيت وأسرة وحياة ولكن حلمها لم يتحقق، فمنذ أن تزوجت وجدت أن عش الزوجية لم يكن مثلما تخيلته فكان يملئه الحزن والغدر و الإهانة من زوج اتسمت كل طباعه بالقسوة ، وحاولت «همسة» أن تعطي زواجها فرصة حتى لا تفشل في تحقيق حلمها، لكن ما راته من زوجها كان كافي أن يوصلها لمحكمة الأسرة لأنه رفض حتى أن يعطيها حريتها ويطلقها ودي دون محاكم ومشاكل.
متغير معايا من يوم ما اتجوزته
قالت «همسة»: أنا اتجوزت من 3 سنين بس ومخلفتش منه، مكناش قرايب اتجوزنا عن طريق المعارف، وقبل ما نتجوز كان كويس وميبانش عليه أي حاجة من اللي ظهرت عليه من ساعة الجواز، كنا مش متفاهمين من أول الجواز، من يوم ما اتجوزته وهو اتغير وبقى بني ادم تاني مش اللي انا كنت مقررة اتجوزه ده حد تاني.
بيخوني مع بنات الشارع
أكملت «همسة»: كان بيحصل بينا مشاكل كتير، بس المشاكل أصلها بدأت من ساعة ما اكتشفت خيانته وانه بيعرف عليا ستات من بعد 15 يوم جواز، شفت على تليفونه أرقام ورسائل من كل بنات الشارع طول الـ 3 سنين اللي عشتهم معاه، كان بيكلمهم ولما أوجهه يقولي هتغير وآخر مرة ومش هكلمهم تاني، لكن مفيش فايدة ومبيتغيرش.
بيضربني من ساعة ما اتجوزته
تابعت «همسة»: المشاكل كملت وكانت كل مادى بتزيد، في كل مشكلة كان بيدخل اهلي في النص وبيقول انهم سبب كل المشاكل، ده غير الضرب كان بيضربني من بعد الجواز بـ 4 شهور وكل مادى كان بيزيد عن الأول.
اديته فرصة عشان مخربش بيتي
أضافت «همسة»: مكنتش راضية اني اسيبه من ساعة ما المشاكل بدأت، قلت أديله فرصة ومخربش بيتي، اديته فرص كتير يمكن يتعدل ويبقى بني آدم كويس لكن مفيش فايدة معاه.
دعوى خلع
أنهت «همسة» كلامها وقالت: قررت انفصل عنه بسبب انه 24 ساعة سايبني لوحدي مبيسألش فيا ولما لقيت اني خلاص مش فارقة معاه، سيبته ورفعت قضية خلع لأنه مرضيش يطلق ودي بعد ما طلبت الطلاق.
تابع أحدث الأخبار عبر
