أروى في دعوى خلع ونفقة: سرق عفش البيت وطفش معرفلوش طريق
خمس سنوات عاشتها «أروى» بدون زوجها والد أبنائها بعد ما سرق بيتهم، وتركه فارغا، مستغلا خروج زوجته من البيت، ووصلت في النهاية «أروى» لتبحث عن حقوقها التي سرقت منها.
عن طريق المعارف تزوجت «أروى»، وكان حلمها أن تعيش حياة طبيعية مع زوجها وأولادها، ومنذ زواجها بان على زوجها عدم رغبته في تحمل أي مسؤولية أو رغبته في العمل؛ ليصرف على بيته وأولاده ويكفي احتياجاتهم، وعندما فاض الكيل بالزوجة وتركت بيتها وذهبت لبيت والدتها لفترة، وعادت لتأخذ ملابس من بيتها وجدته فارغا تماما، فباع الزوج كل العفش، واختفى، ولا تعرف له «أروى» طريقا منذ أن اختفى لمدة خمس سنوات، وسرق حقها وفرحتها.
عرفته عن طريق جيران
قالت «أروى»: أنا اتجوزت صالونات، عرفت جوزي عن طريق جيران قالوا عليه كويس ومحترم، وبناء على كلامهم وافقت على الزواج منه، ودلوقتي سايبنا بقاله 5 سنين معرفش مكانه، أول الجواز كان كويس ومفيش مشاكل، لكن بعد ما خلفت ابني الأول بدأت المشاكل ومع الوقت كانت بتزيد.
جوزي مش عايز يشتغل ولا يشيل مسؤولية
وتابعت «أروى»: كانت أكبر مشاكلي معاه إنه مش عايز ينزل يشتغل، طول الوقت عايز يقعد في البيت وميصرفش عليا أنا او العيال، مش عايز يشيل مسؤولية أي حاجة، عشت واتحملت عشان خاطر ولادي، بس كنا على طول في مشاكل.
سرق عفشي وباعه
وأكملت «أروى»: لحد في مرة حصلت مشكلة بينا، وسبت البيت ورحت عند أمي، اختفى شهر مسالش فينا، رجعت عشان أجيب حاجات ليا أنا وولادي رجعت البيت لقيت شقتي على السيراميك، خد عفشي كله لما كنت غضبانة وباعه.
دعوى خلع
أنهت «أروى» حديثها: من وقتها رحت عند أمي، وقررت اتطلق وهو اختفى بقاله خمس سنين معرفش طريقه، أهله موجودين وقالوا لي منعرفش عنه حاجة، وبقالي خمس سنين مرفعتش قضية عشان عيالي، وجيت المحكمة عشان أدور على حقي، فيه ناس بيقولوا شافوه، لكن معرفتش أوصله عشان أعرف اتطلق منه، فرفعت قضية خلع، ودلوقتي أمي واخواتي اللي بيشتغلوا ويصرفوا عليا أنا وولادي، فرفعت قضية نفقة عشانهم.
تابع أحدث الأخبار عبر
