شادية للقاضي: قفشته في سريري مع واحدة تانية وأخويا لسه ميت
واجهت «شادية» خيانة زوجها لها مما جعلها خسرت ثقتها في نفسها وفي الناس من حولها، فكانت تظن أن الحياة مع زوجها حياة طبيعية مثل أي زوجين لكن خيانة زوجها لها في وقت صعب في حياتها جعلت المستقبل أمامها ملامحه غير واضحة.
تواجد «شادية» في محكمة الأسرة وهي تحمل حزن يكفيها ويكفي العالم ومازالت الصدمة والحسرة تملئ عينيها وقلبها، تزوجت «شادية» من صديق اخيها وكانت تظن انه سيكون سندها في الدنيا وسيصبح شريك حياتها لكنها كانت مخطئة و الحياة التي عاشتها مع زوجها كانت مجرد كذبة ورمى زوجها بكل ما عاشوه سويا ودمر أسرته من أجل نزوة في حياته، وحتى بعد ما تركته «شادية» لم يتحلى بأي رحمة أو شفقة عليها أو على أبنهم ولم يعطيهم أي من حقوقهم.
جوزي كان بيشرب خمرة وبيروح كباريهات
قالت «شادية»: جوزي كان صاحب أخويا واتقدملي عن طريقه، اتجوزنا من 2013 وعيشت معاه 5 سنين وخلفت منه ولد واتطلقت منه في 2018، من ساعة ما اتجوزنا في مشاكل ما بينا كتيرة، بيشرب ويروح كباريهات، ومكنش بيصرف واحنا متجوزين ولا بيدفع ايجار كنت عند امي معظم الوقت غضبانة بس الدنيا كانت ماشية وكنت مش عايزة أخرب بيتي.
لقيت قميص نوم في شقتي مش بتاعي
تابعت «شادية»: اخويا اتوفى قبل ما اطلق وكان صغير واتوفى فجأة، كانت صدمة علينا كلنا، وكنت قاعدة عند أهلي وقتها، وبعد وفاه أخويا الي هو صاحبه ب 15 يوم رحت البيت عشان أنضف لقيت في الشقة قميص نوم ولما سألته قالي ده وقع من عند الجيران، سالت كل الجيران وكلهم قالوا مش بتاعهم، واخويا كان لسه متوفي ومكنش في بالي أني أعمل حاجة تاني وقتها ولا حد في دماغ انه يركز معايا.
قفشته مع واحدة في سريري
أكملت «شادية» وهي تبكي: المرة التانية اللي رحت فيها البيت رحت عشان أجيب عباية سودة، دخلت الشقة عليه متلبس مع واحدة جابها في شقتنا كان يعرفها على النت معرفتش اعمل ايه ساعتها، معملتش حاجة غير إني صوت وجوزي ضربني عشان معملش فضيحة غطيت عين ابني عشان ميشوفش المنظر وخدته ونزلت.
مش معايا فلوس اجيب أكل ابني
أنهت «شادية» حديثها وهي تمسح دموعها: مبيصرفش على ابنه أي حاجة من ساعة ما سيبته في مرة مكنش معايا فلوس خالص بيعت خاتم فضة عشان اجيب سندوتشات لأبني، ولما أكلمه عشان أقله يجيب لأبنه أكل حتى بيرفض ، واتخلعت منه ومن ساعتها في المحاكم ورفعت دعوى نفقة.
تابع أحدث الأخبار عبر
