ولاء في دعوى خلع: اتجوز بعد ما سافرت بتلات أيام
عاشت “ولاء” مع زوجها في السعودية تقف بجانبه وتساعده على جلب الأموال للأولاد استقرت معه هناك فوق العشر سنوات، وبعد هذه الفترة قررت الرجوع لمصر ولم تكمل اليوم الثالث من عودتها لمصر ، وعلمت بخبر زواجه، وكانت ردة الفعل المتوقعة لها أنها تطلب الانفصال ولكنه رفض، لم يتبقى أمامها سوى محكمة الأسرة لتقيم ضده دعوى خلع.
عشت معاه على المرة قبل الحلوة
لم تشتكي الزوجة في يوم من الأيام من صعوبة العيش معه وكانت تتحمل أي ضغوطات من أجل أولادها سوء قبل أو بعد السفر، تستهل ولاء حديثها وتقول: "معاه بقالي 16 سنة وكانت حالتنا المادية على قده هو كان شغال في مصنه ومرتبه يدوب على القد، فضلنا على الحال دا لحد 6 سنين من الجواز خلفت فيهم بنت وولد، المصاريف بدأت تزيد عليه".
أضافت: "كنت صابرة ومستحملة معاه من أول الجواز، والأيام اللي كانت الدنيا ضيقة فيها علينا مكنتش بشتكي وكنت بعيش على القد، بس هو لما شاف إن المصاريف بتزيد بعد ما جبت الواد والبت اقترح علي إن احنا نسافر السعودية".
اتجوز علي بعد ما سافرت بتلات أيام
وافقت الزوج على السفر معه من أجل تحسين معيشتهم، سافرت معه وعاشت هناك 10 سنوات حتى تحسنت حالتهم المادية ، وعندما طلبت منه العودة لمصر رفض وصمم على البقاء معه ولكنها أردت العودة ما جعلها تأخذ أولادها وتعود لمصر، وبعد عودتها بثلاث أيام فقط علمت بخبر زواجه، تستكمل الزوجة: "لما شفت إن حالتنا المادية بدأت تتحسن طلبت منه نرجع لمصر بس هو رفض وقال لي مش هرجع لو عايزة ترجعي ارجعي انتي، اخدت العيال ورجعت فعلاً مصر وبعد ما رجعت بتلات أيام بس خدت الصدمة".
تختم ولاء حديثها: "رجعت أنا والعيال وبعد ما رجعت بتلات أيام عرفت إنه اتجوز، مكنتش مصدقة ومش فاهمة أنا عملت له إيه، طلبت منه يرجع عشان يطلقني بس هو موافقش، ومكنش قدامي غير إني اخلعه بقا، ورفعت دعوى خلع بقالي 7 شهور ولسه الإجراءات شغالة".
تابع أحدث الأخبار عبر
