مريم في دعوى نفقة: جوزي اتجوز عليا وطردني من البيت
شاء الله أن تخسر «مريم» ابنها الصغير بعد مرضه، ولم يقدر زوج «مريم» حرقه قلبها على ابنها، لكنه زاد على ألمها ألمًا عندما تزوج بسيدة أخرى بعد موت ابنهما، واعتبر كأن شيئا لم يكن، وأن حياته معها ومع أبنائهم لم تتواجد أبدا.
كان زوج «مريم» هو ابن خالتها، وظنت أنه سيكون سندها في هذه الدنيا، لكن بعد أول عقبة واجهتها «مريم» وزوجها تركها وحدها في هذه الدنيا، طلقها ولم يخبرها حتى، فاكتشفت بالصدفة، وجعلها تلجأ لمحكمة الأسرة كحل أخير لتحصل على حقوق أولادهما الذي لم يراهم منذ صغر سنهم.
مريم: صدمة وفاة ابني كانت كبيرة عليا
قالا «مريم»: اتجوزت ابن خالتي من ٢٠٠٩ وجبت ولد وبنت وولد تاني، ودلوقتي بقالي سنتين مطلقة، من ٤ سنين ابني الصغير كان تعبان واتوفى كانت صدمة كبيرة عليا، كنت حاسه إن خلاص الحياة انتهت لكن قمت عشان ولادي الاتنين محتاجين أمهم جنبهم.
مريم: طردني من البيت وقالي مش عايزك عشان مراته التانية
تابعت «مريم»: الحياة مع جوزي مكنتش أحسن حاجة ، مكنش بيشتغل وأنا كنت بستحمل وأعيش، المشاكل بينا كانت العادية، لحد ما بعد وفاة ابني بـ ١٠أيام اكتشفت انه اتجوز واحدة جارتنا، لما عرفت زعلت جدًا وسيبت البيت ومشيت، بعد ما أهلي وأهله قعدو معايا وكلموني، قلت اللي عمله مش عيب ولا حرام، وخلاص أعيش وأربي عيالي، ورجعت بيتي، تاني يوم مسكني ضربني وطردني من البيت، وقالي مش عايزك ولا عايز أعيش معاكي.
مريم: معرفتش إنه طلقني غير بعدها بـ ٤ شهور
أضافت «مريم»: فضلت قاعدة عند أهلي بعد ما ابني اتوفى وبعد سنة ونص لقيت جوزي طلقني، معرفتش اني اطلقت غير بعد ٤ شهور، من ساعتها بقاله ٤ سنين مشفش عياله ولا بيسأل ولا بيصرف عليهم، بيصرف على عيال مراته التانية وخلف منها، من كام يوم والده اتوفى ورحت العذاء، لأنه جوز خالتي كانت أول مرة يشوف ابنه من ٤ سنين وعدى من قدامه ومسلمش عليه أنا مش عارفة لحد دلوقتي أنا عملت ايه عشان يعمل معايا كده انا وعياله، رفعت عليه دعوى نفقة عشان أخد حق ولاده اللي هو مبيسالش فيهم.
تابع أحدث الأخبار عبر
