«مبقتش عايزه أكمل».. بسنت في دعوى خلع: "استحملت وفي الآخر اتجوز عليا"
تظل دعوى خلع واحدة من القضايا التي تحتل مقدمة محاكم الأسرة، رغم ما يترتب عليها من تنازلات تقدمها الزوجة مقابل إنهاء الارتباط الزوجي، وفي واحدة من تلك القضايا يرصد موقع الحادثة واحدة من تلك المعاناة التي روتها إحدى الزوجات.
بسنت في دعوى خلع: استحملت وفي الآخر اتجوز عليا
5 سنوات من الضرب والإهانة تحملتها الزوجة حتى لا تخرب عش الزوجية، لكن ازداد الوضع سوء عندما اكتشفت الزوجة بخيانته لها والزواج من بنت عمه دون علمها ما أدى لحدوث الانفصال، مع ذلك رجعت الزوجة مرة أخرى وكلها أمل في تغير الزوج ولكن كانت مخطئة ما دفعها تتوجه لـ محكمة الأسرة ورفع دعوى خلع.
"مبيصرفش عليا ومش بيبطل ضرب فيا" هكذا بدأت “بسنت” حديثها تروي قصتها للقاضي: "حبينا بعض واتخطبنا وكانت أحلى أيام حياتي وكانت كل حاجه تمام اتجوزنا والدنيا وردي وربنا كرمني بابن منه فجأة كل حاجة اتغيرت ومع الأيام الأحوال بقت من سوء ل اسوء كل يوم خناقات وضرب واهانة ومعاملة وحشه".
أضافت: "مبيدنيش فلوس وطلبت منه كذا مرة وبرضو مبيبسبليش أي مصاريف لحد ما زهقت وسبتله البيت وروحت عند أهلي بالشهور أنا وابني ومكنش بيسأل علينا ولا حتي بيبعت فلوس لابنه".
تزداد معاملة الزوج السيئة
ازداد الزوج في معاملته السيئة لها واتبع الضرب والإهانة كأسلوب حياة، وأضافت: "استمر الحال ده لمدة سنتين، ومكنتش برجع البيت شهرين علي بعض، بس اللي خلى الموضوع يكبر إني اكتشف إنه اتجوز عليا بنت عمته، وقررت الانفصال عنه وانفصلنا بالفعل وبعد كام شهر من الانفصال كلمني وقالي إنه لسه بيحبني وإنه انفصل عن بنت عمته وعايز يرجعلي".
تابعت: "في الأول مكنتش موافقة إني ارجعله بس أهلي ضغطوا عليا عشان ارجعله، وقالولي اديه فرصة تانية وبالفعل رجعنا لبعض تاني ووافقت إنه أعيش معاه في جمب أهله بس للأسف مفيش حاجة اتغيرت، والوضع زي ما هو نفس المعاملة والأسلوب لحد ما جبت أخرى ومبقتش عايزة أعيش معاه ولا في البلد عند أهله".
أكملت حديثها: "غضبت عند أهلي بقالي سنتين فقررت إني انفصل للمرة التانية بس رفض إنه يطلقني ودا اللي خلاني ارفع قضية خلع، وحاول أهله أكتر من مرة أنهم يرجعوني البلد ويصلحو الدنيا بنا بس مفيش فايدة، أنا استحالة ارجع أعيش في البلد او أعيش معاه تاني فقررت ألجا للقضاء"، وبالفعل رفعت بسنت قضية خلع علي زوجها يوم 25/5/2023 ولا تزال القضية منظورة في المحكمة حتى الآن.
تابع أحدث الأخبار عبر
