«حياته كلها ستات».. نادية في دعوى خلع: 20 سنة بيخوني وأهله بيستروا عليه
دعوى خلع لجأت إليها نادية بعد 20 سنة زواج عاشتها مع زوجها واتقت الله فيه وفي اسرتها، خانها زوجها وتركها مازالت مصدومة من كيف استطاع أن يخدعها زوجها طوال هذه السنين.
جواز تقليدي تزوجته «نادية»، ومن أول زواجها اكتشفت إن زوجها له علاقات عديدة بسيدات أخرى، حاولت أن تصلحه من أجل بيتها وأولادها، ولفتره عاشوا سويا ولم يظهر على زوجها أي علامات أنه له علاقات أخرى ولكنه كان يكذب عليها، واكتشفت بالصدفة أنه تزوج عليها بأخرى وكان يخدعها لفترة، وبعد ما جرحها زوجها ودمر ثقتها فيه قررت أن تتركه وتتوجه لمحكمة الأسرة حتى تنهي حياتها معه.
جوزي بيعرف عليا ستات من ساعة ما اتجوزته
"حياته كلها الستات" هذا وصفت به الزوجة زوجها في بداية حديثها وتابعت «نادية»: اتجوزت من 2003، خلفت اتنين، كان جواز تقليدي مكنش في حب، وسيبت جوزي من سنتين، من ساعة ما اتجوزنا كان على طول عنده علاقات مع ستات كتيرة، وكنت بصبر واتحمل وأقول بكرة يتعدل لكن مفيش فايدة، كنت مستحملة عشان خاطر ولادي.
أهله كانوا بيغطوا عليه إنه عشان ما اعرفش انه بيخوني
قالت «نادية»: “كنت بعرف إنه بيخونى من كذا علامة بتظهر عليه، كان بيظهر عليه التغيير في طريقته وأنا كنت بحس بحاجة متغيرة فيه، يعمل معايا مشاكل وتلاكيك على أي حاجة، الكذب كان حياته، من كتر ما هو متمكن مكنتش بعرف امسك عليه حاجة أهله كانوا بيساعدوه ويغطوا عليه، ومكنش مخلي ليا علاقة بأي حد عشان معرفش عنه حاجة”.
ساب بيته وأوﻻده عشان خاطر اتجوز
أكملت الزوجة كلامها وقالت: “اكتشفت انه متجوز قبل ما اسيبه بسنة عرفت وانا بطلع ورق، هو مشي وساب البيت لما اتجوز وكان مبيسألش عليا أنا وولاده مكنتش عارفة السبب وقتها لكن عرفت بعد كدة لما حد قالي إنه متجوز رحت اعمل قيد عائلي اكتشفت انه اتجوز عليا من ورايا، واجهته وأنكر وبعد كدة اعترف ومرضيش يرجع لبيته وأوﻻده، ودلوقتي لا بيسأل عليا ولا على ولاده وجيت المحكمة عشان أرفع دعوى خلع ونفقة ﻷني مش هقدر أعيش مع البني أدم ده تاني”.
تابع أحدث الأخبار عبر
