إلهام في دعوى خلع ونفقة: بيكسرلي ضلوعي قدام بناتي
تواجدت إلهام أمام محكمة الأسرة من أجل رفع دعوى نفقة على زوجها الذي لا يريد الإنفاق عليها هي وبناتها، وفي النهاية تركهم وحدهن دون سند أو رعاية.
لسنوات عديدة كانت الزوجة هي المسئول الأول والأخير عن مصاريف بيتها وبناتها، وبعد محاولاتها التي تكررت في طلب مصروفات من زوجها ولكنه في كل مرة كان يرفض، ولم تتلقى منه سوى لضرب واﻹهانة طوال سنين زواجهم، ورمى الزوج المسئولية على الزوجة بالكامل، وافقت الزوجة على هذا الوضع فقط من أجل بناتها، ولكن ظروف الحياة الصعبة وطباع الزوج جعلتها تلجأ لمحكمة اﻷسرة، للحصول على حقوقها هي وبناتها.
اقرأ أيضا
أنا اللي بصرف على البيت ﻷنه بيصرف بالعافية
قالت إلهام في بداية حديثها: عندي ٣ بنات واتجوزت من وأنا عندي 20 سنة وبناتي دلوقتي كبار ودخلوا الجامعة، لما اتجوزت الحياة كانت عادية في اﻷول، لكن بعد كدة المشاكل بدأت كان مبيصرفش، حاولت كتير معاه إنه يزود المصاريف لكن مفيش فايدة، بيصرف بالعافية طول السنين دي وكنت أنا بشتغل وأكمل واقول معلش عشان البنات ميبقوش محتاجين .
الحياة معاه كلها ضرب وبهدلة وإهانة
تابعت إلهام: الحياة كان كلها ضرب وإهانة وبهدلة وشتيمة من زمان بسبب ومن غير سبب، صبرت عليه كنت بقول يمكن يتغير يمكن يبقى كويس، واستحملت عشان البنات يتربوا في بيت ابوهم وميتبهدلوش لكن مفيش فايدة معاه، كل مادى كان الوضع بيبقى أسوء في مرة حصلت مشكلة مسكني ضربني علقة عملي شرخ في الضلع في الصدر وكسرلي وداني، لما لقيت ان خلاص انا لو فضلت معاه هيعمل فيا حاجة وقررت مكملش معاه أكتر من كدة.
اقرأ أيضا
مرضيتش ان بناتي يبقوا كبار وأنا بتضرب قدامهم
أضافت إلهام: كان ﻻزم نتطلق، بناتي بقوا كبار مينفعش يشوفوا امهم بتتضرب وبتتهان قدامهم، طلبت منه الطلاق لكنه رفض، مش راضي يطلقني ويسبني في حالي كل شوية تهديدات، وهددني لو رفعت خلع مش هيصرف عليا أنا والبنات، هو أصلا سايب البيت بقاله سنة ونص ولا بيصرف ولا بيسأل على البنات عشان كدة جيت أرفع دعوى خلع ونفقة عشان أخلص من البني ادم ده.
تابع أحدث الأخبار عبر
