"سلوى" في دعوى نفقة: بعد بهدلتي معاه طفش بقاله 4 سنين وسابني أنا وعياله
تحملت «سلوى» سنين مع زوجها الذي رأت معه حياة صعبة امتلأت بالحاجة واﻷلم وليس مثل معظم السيدات تركت الزوجة لزوجها البيت عندما قررت ان تنهي حياتها معه، في حالة «سلوى» اختفى الزوج فجأة ولم تعرف له طريق.
“كل ما أقوله عايزة فلوس يقولي مش معايا” هذا هو الحال الذي عاشت فيه «سلوى» لمدة 10 أعوام مع زوج لم تكن فقط ظروفه المادية صعبة بل كان حتى تعامله صعب ولم يكمل في عمل أكثر من أسبوع، لم ترى منه سوى الضرب والإهانة ولم تقدر الزوجة على تحمله ولكنها اضطرت حتى ﻻ تخرب بيتها، فبعد سنين عديدة تحملتها الزوجة مع زوجها وحاولت بكل الطرق تدبير أمورها من أجل مصلحة أطفالها، كانت نهايتها على أعتاب محكمة اﻷسرة تحاول الحصول على حقوقها لتنقذ مستقبل أوﻻدها وحياتهم.
اقرأ أيضا
مبيصرفش عليا من ساعة ما اتجوزته
قالت «سلوى»: اتجوزت من وانا عندي ١٦ سنة وخلفت 3 أولاد، من ساعة ما اتجوزت وكانت المشاكل في اﻷول عشان المصاريف وهو مبيصرفش علينا، وكان مبيكملش في شغلانة وكل شوية يسيب الشغل بحجة مختلفة، وكنت بحاول أعيش وأمشي الدنيا عشان البيت ميتخربش لكني مقدرش أعمل كدة لوحدي وهو حتى مبيحاولش.
نزلت واشتغلت عشان أكمل وأصرف على بيتي
تابعت «سلوى»: كان كل لما اطلب منه مصاريف للعيال أو للبيت يقول مش معاي، واضطريت إني أنزل واشتغل عشان أكمل وأصرف أنا على البيت واهلي كانوا بيساعدوني بس مش هيفضلوا يساعدوني طول العمر كانوا بيساعدوني كل فترة، وفوق كل اللي أنا شايلاه ومستحملاه هو كان مبيقدرش ﻻ ده كان بيضربني ويبهدلني أول ما يعوز فلوس ولما يكون مش عايز ميتعاملش معايا خالص.
اقرأ أيضا
هرب من البيت ومعرفش طريقه
ضافت «سلوى»: ودلوقتي هو هربان بقاله ٤ سنين معرفش عنه حاجة هرب ومسالش عليا ولا على ولاده، ودلوقتي رافعة خلع ونفقة بس أنا حتى معرفش هو فين عشان ابعتله على المكان اللي هو أعد فيه، بعد كل اللي استحملته ده هو اللي سابني ، وفي أخر فترة دي الضرب والبهدلة كانوا بزيادة أوي لدرجة أن ولادي اللي كانوا بيتحايلوا عليا عشان أعد ومسيبش البيت بقوا بيقولي لا متمكليش معاه هو مش كويس أنتي اتبهدلتي بسبه.
تابع أحدث الأخبار عبر
