طلاق للهجر.. ولاء: سابنا وهرب بقاله 3 سنين عشان مبيصرفش على العيال
توجهت «ولاء» لمحكمة الأسرة بالجيزة ورفعت دعوى طلاق للهجر نتيجة التعاسة التي سكنت عش الزوجية بعدما كانت تغمره السعادة المتناهية بسبب تغير الزوج، بدون مقدمات ورفضة الإنفاق على الزوجة والأولاد وعندما كررت رغبتها في طلب مصروفات للأولاد ترك المنزل منذ 3 سنوات.
«منعرفش عنه حاجة بقالنا 3 سنين».. هذه العبارة الأولى التي بدأت بها ولاء حديثها، مؤكدة على تحمل الزوجة عدم إنفاقه عليها هي والأولاد لفترة طويلة وكان جزاءها تركها هي والأولاد بدون سبب، أضافت: «في أول الجواز كان كويس عادي وبيصرف علي أنا والعيال عادي وأي مصاريف بطلبها بيدهالي من غير أي مشاكل، وكان هو اللي بيقولي جيبي للعيال كل اللي نفسهم فيه».
تابعت: «كان كويس معايا أنا والعيال لحد السنة العاشر ة من الجواز، فجأة لقيته اتغير معايا وكل ما أقوله عايزة فلوس يقول لي مفيش مصاريف وهو دا اللي موجود إذا كان عاجبك، بقى يسيب لي مصاريف قليلة جدًا والفلوس مش مكفي ة مصاريف العيال».
نزلت اشتغل عشان اكفي مصاريف العيال
بدأت الزوجة تبحث عن العمل لتغطية مصروفات الأولاد بسبب عدم كفاية مصروف الزوج الذي يعطيها إياه، حينما وجد أن الزوجة تجلب المال من عملها امتنع عن إعطاءها أي مصروفات حتى لو قليلة، وعندما كرر الزوج طلبها في الرغبة في زيادة المصروف ترك زوجته وأولاده وذهب بعيدًا في مكان لا تعرفه ما أدي للجوء الزوجة لمحكمة الأسرة ورفع دعوى طلاق للهجر على زوجها بعد ما تركها هي وأولادها دون سؤال.
تابعت ولاء: «المصروف اللي بيدهوني مبيكفيش أي مصاريف للعيال، دورت على شغل عشان أعرف اصرف عليهم ولما لقاني بقيت أجيب فلوس مبقاش يديني مصروف خالص حتى الفلوس القليلة اللي كان بيدهالي منعها وكل لما أقوله عايزة فلوس للعيال يقول لي ما انتي معاكي مرتبك».
ساب لي البيت وطفش عشان مش عايز يصرف
أضافت الزوجة: لما بقيت أطلب منه فلوس كذا مرة قالي أنا هسيب لك البيت وامشي كنت فاكراه بيهزر، بس لما خرج مرجع تاني كنت فاكراه يوم ولا يومين ويرجع بس مرجعش من ساعتها وكلمت كل أصحابه عشان اعرف أوصل له بس كلهم بيقولوا لي مش عارفين مكانه وأنا متأكدة إنهم عارفين مكانه فين وهو اللي مخليهم مايقولوش على مكانه».
لجأت الزوجة لرفع دعوى طلاق للهجر منذ 4 شهور بعد ما فقدت الأمل في التوصل لزوجها منذ أن ترك المنزل منذ 3 سنوات بالكامل، ولا تزال القضية منظورة في المحكمة حتى الآن.
تابع أحدث الأخبار عبر
