أم أسامة للقاضي: كانت بتخون ابني ودلوقتي منعاني إني أشوف حفيدي
لا يتواجد على أبواب محكمة الأسرة الازواج فقط فيتواجد أهالي يتحملوا نتيجة قرار أخذه أبنائهم ويحاولوا أن يقدموا لهم يد العون والمساعدة ويكونوا بجانبهم في موقف صعب أمام محكمة الأسرة.
تواجدت «أم أسامة» امام محكمة الأسرة بسبب دعوى نفقة رفعتها طليقة ابنها على ابنها، رفعت طليقة ابنها الدعوى على ابنها بدون وجه حق فكانت الأم من البداية تقدم لزوجه ابنها وحفيدها كل ما يحتاجوه منذ حدوث الطلاق حرصا منها على أن يتربى حفديها تربية صالحة في بيئة هادئة لكن طليقة ابنها لم يكن همها سوى أن تحصل على أموال زيادة من أبو ابنها بدون وجه حق.
اتطلقت من ابني عشان تتجوز واحد تاني
قالت «أم أسامة»: بعد ما جهزت ابني وجوزته واتجوز وخلف ولد، مراته كنت بعتملها كويس ومفيش أي مشاكل معاها، لحد فجأه مرات ابني سابته من ٢٠١٩، سابت ابني عشان مش عايزاه وعايزة تتجوز واحد تاني وطلقت التاني من مراته ودلوقتي اتجوزته وخلفت منه ولد، بعد اللي عملته مع ابني عاملتها كويس عشان خاطر حفيدي اللي بينا ملهوش ذنب في المشاكل اللي بتحصل بينهم دي.
رفعت قضايا بعد اتفاقها معايا عشان همها الفلوس
تابعت «أم أسامة»: طليقة ابني رفعت دعوى نفقة وأجر مسكن وحضانة، بالرغم ان كان في اتفاق بيني انا وهي انها تاخد ٥٠٠ جنية كل شهر اديهملها أنا وابني بيديها ألف جنية عشان خاطر مصاريف ابنه، وبعد ما خدتهم رفعت أجر مسكن وأجر حضانة وزيادة نفقة ومعرفتش غير لما المحضر جالي على البيت، لما كلمتها قلتلها انا اتفقت معاكي هديكي بترفعي قضية ليه قالتلي ده اللي عندي وحفيدك مصاريفه كتير.
اقرأ أيضا
حفيدي أمه بتقوله لو رحت عند أبوك هيخطفوك
أضافت الأم: حفيدي عايش معاها ودلوقتي عنده خمس سنين ، وأمه مخليه حفيدي ميجيش يشوف ابوه، قايلاله لو رحت عند أبوك هيكتفوك ويضربوك، حفيدي اللي قالي وأنا بكلمه في التليفون لأنها مخوفاه انه يشوفني وحارقة قلبي عليه، منعتني اني اشوفه مع اني بس عايزة اشوفه واربيه وافرح بيه وهمي مصلحته وهي همها الفلوس.
تابع أحدث الأخبار عبر
