منال في دعوى نفقة: «مبيصرفش على البيت عند فيا عشان غيران مني»
الغيرة بين الأزواج مشكلة كبيرة في المجتمع حيث يأمل كل منهما بأن يكون هو الأفضل مع أنهما كل يكمل الأخر.. يرصد «الحادثة» مشكلة «الزوجة منال» التي عانت سنوات كثيرة مع زوجها بسبب الغيرة ما دفعها لطلب الطلاق.
«الغيرة عمت قلبه» بهذه العبارة بدأت منال حديثها، مؤكدة على تحول معاملة الزوج منذ بداية الزواج بسبب تفوقها في العمل وأنها تحصل على مؤهل عالي ما جعل الغيرة تأكل قلبه ومن هنا تحول كل شيء، تابعت: اتجوزنا عن قصة حب كبيرة بيني وبينه وبالرغم من أنه أصغر مني بـ 4 سنين بس كنا بنحب بعض أوي ومفكرناش في موضوع السن دا.
أضافت: اتجوزته وكنت مكملتش تعليمي بس بعد الجواز قلت له إني عايزة أكمل تعليمي وقالي ماشي تمام وبالفعل رجعت لدراستي وكملت بس مكنتش اعرف إن دي حاجة تضايقه بدل ما تبسطه".
نار الغيرة تأكل قلب الزوج
كانت تظن الزوجة أن الزوج يفرح لنجاحها ولكنه صدمها برد فعله بعدما نجحت في عملها وأثبتت نفسها ما دفع نار الغيرة تأكل قلبه، تابعت: «بدأ يتغير معايا في المعاملة وضرب ويتعصب علي في كل حاجة أنا في الأول مكنتش فاهمة إيه سبب المعاملة دي بس فهمت إنه غيران مني لما أنا وهو اشتغلنا في مكان واحد وأنا كنت الحمد لله شاطرة جدًا وبقى يعتمد عليا في مصاريف البيت واتجه للمخدرات وبقى يصرف بمزاجه بس غير كدا مابيصرفش حاجة عشان عارف إني بجيب فلوس فمبقاش مهتم".
أضافت: "بدأت المشكلات بينا تزيد بسبب إهماله للعيال والمصاريف واللي زود المشاكل أكتر إن أهله بقوا يسخنوه علي وعلى العيال، في يوم كنا بنتخانق ساب لي البيت وراح عند أخته ومن ساعتها ماشوفتش وشه ومبقاش يبعت جنيه للعيال".
طلبت الزوجة الطلاق بعد ما أدركت عدم صلاح حال الزوج، تابعت: أخر ما زهقت طلبت منه الطلاق وفعلًا اتطلقنا ودي من غير مشاكل بس من ساعتها وأنا دايرة على المحاكم عشان أخد نفقة لعيالي وكل ما يتم إصدار صيغة تنفيذية اعرف إنه اتفق مع المحامي ميدنيش الصيغة، كدا ولا أكني عملت حاجة اتجهت لمحامي تاني ورفعت دعوى نفقة جديدة، ولا تزال القضية منظورة في المحكمة حتى الآن.
تابع أحدث الأخبار عبر
