ولاء في دعوى خلع: «مبيصرفش ولا جنيه وطردني أنا وعياله في الشارع»
بعد صبر وتحمل دام لأكثر من 10 سنوات من قبل الزوجة بدون أن تكل ولا تمل، لأنها بكل بساطة تضع بيتها وأولادها الثلاثة أولوية فوق أي شئ لذلك تغاضت عن معاملة الزوج السيئة لها طوال سنوات الزواج ووقفت بجانبه في جميع الأزمات الصعبة دون أن تنتظر أي مقابل من أجل أولادها ولكن الزوج لم يقدر ما فعلته من أجله وغدر بها هي وأولادها ما جعلها تلجأ للقضاء وترفع دعوى خلع.
"سايب البيت بقاله 3 سنين" هكذا بدأت ولاء حديثها تروي قصتها مؤكدة على معاملة الزوج السيئة لها من أول الزواج، تابعت: "اتجوزنا جواز صالونات وكانت الحياة جيدة في أول سبع سنين وبعد كدا بدأت كل حاجة تتغير من ساعة كورونا عشان مكنش في شغل وحالتنا المادية كانت صعبة جدًا".
أضافت: "وأنا مكنتش بطلب حاجة عشان شايفة الظروف صعبة خلفنا أول عيل والتاني والحياة كانت ماشية.. آه كان في أيام صعبة بس كنا راضيين حتى لو حصلت مشاكل كنا بنعديها، وبالرغم من إنه مكنش حنين عليا وكانت معاملته زفت معايا بس كنت بقول مش مشكلة عشان العيال".
بعد 10 سنين صبر غدر بيا
تحملت الزوجة أياما ومواقف صعبة مع زوجها من أجل عش الزوجية واستقرار الحياة الزوجية، أضافت: «وقفت جمبه في كل الموافق الصعبة ومفيش مرة اشتكيت، حتى لما عمل حادثة وقعد سنة ونص في البيت كنت أنا اللي شايلاه لوحدي وكنت كمان بشتغل عشان أجيب مصاريف للبيت مكنتش متخيلة إنه هيغدر بيا كدا"، تابعت: «أول ما بدأ يبقى كويس ويرجع للشغل مبقاش يصرف عليا أنا والعيال وكل لما أقوله العيال عايزة مصاريف يقولي الشغل واقف ومش راضي يصرف عليهم اتخانقت أنا وهو كتير بسبب الموضوع دا، غضبت عند أهلي كتير وبرضو مبيتغيرش».
أكملت: «في يوم كنت بايتة عند أهلي ورجعت أنا والعيال الشقة لقيتها فاضية ومفيهاش غير هدوم العيال، كنت بحسب الشقة اتسرقت في الأول بس لقيته كلمني وقالي أنا بيعت الشقة وامشي انتي وعيالك من هنا، واكتشفت أصلًا إنه كان متفق إنه يبيعها بقاله فترة بس كان قايل للراجل اللي هياخدها منه إنه مش معرفني».
لجأت ولاء للقضاء ورفعت قضية خلع منذ 3 شهور ولا تزال القضية منظورة في المحكمة حتى الآن.
تابع أحدث الأخبار عبر
