نادية في محكمة الأسرة: أهل جوزي سارقين عفشي وورثي أنا وولادي
بعد ما بنت «نادية» بيت وأسرة مع زوجها الذي اختارته أن بكون شريك عمرها وأنجبت منه أبنائها الثلاثة، استيقظت في يوم على خبر وفاة زوجها وكان صدمة عليها وعلى أبنائها فهي لم ترى سوى الخير مع زوجها ولم تعلم كيف ستكمل حياتها بعد وفاة زوجها.
"سارقين عفشي من ساعة وفاة جوزي" هذا ما قالته «نادية» عن أهل زوجها الذي انعدمت من قلوبهم الرحمة وسرقوا زوجة أخيهم المتوفي وابناء أخوهم اليتامى، وبالرغم من حرص «نادية» على أن لا تقف أمام أهل أبنائها في محكمة اﻷسرة لم يتركوا لها أي حل سوى أن تصل لهذه النهاية بطمعهم وجشعهم.
اقرأ أيضا
جوزي مات فجأة وسابنا
قالت «نادية»: جوزي متوفي من 8 سنين ولما اتوفى كان بقالي 10 سنين متجوزاه، وجايبين 3 أوﻻد والحياة كانت طبيعية جدا ومكنش في بينا مشاكل، لحد بعد كدة تعب فترة وبعد تعبه مات على طول، أنا وولادي كنا مصدومين ومش عارفين نعمل ايه فجأة بقينا لوحدنا من غير ضهر أو سند، كان ﻻزم أقف على رجلي عشان أرعى أوﻻدي وأبقى ليهم اﻷب واﻷم.
واخدين حقي أنا ووﻻدي من ساعة ما جوزي مات
تابعت «نادية»: بعد ما جوزي اتوفى قلت أعيش وأربي وﻻدي وسيبت البيت اللي كنا عايشين فيه، وأهله خدوا عفشي ومش راضيين يدهوني من ساعتها وبيقولولي ده مش حقك أصلا، وجوزي كان ليه ورث ومخدتش منه حاجة وساعتها سكت ومتكملتش واستعوضت ربنا وقلت مش مشكلة كفاية وﻻدي بصحتهم ومعايا.
مش عاملين حساب ﻷخوهم اللي مات
أكملت «نادية»: بقالي سنين معاهم في مشاكل عشان حقي أنا وولادي اللي واخدينه، والمشاكل زادت لما اتجوزت، مكنتش برضى أروح المحكمة عشان بقول دول أهل ولادي ومينفعش أبهدلهم في المحاكم، وأخر حاجة وصلتلها معاهم لما ادوني كراكيب وقالولي ده عفشك، وفي اﻷخر قالولي هنديكي حق العفش وبرضو مخدتش منهم حاجة، وبعد مشاكل كتير على الورث اللي هو أصلا حق ولادي اليتامى جيت محكمة اﻷسرة رفعت دعوى إعلام وراثة.
أنهت «نادية» كلامها بوصف وضعها الحالي: أنا دلوقتي متجوزة من 3 سنين ووﻻدي معايا والدنيا ماشية، بس هما مش سايبنا في حالنا وﻻ عايزين يدونا حقنا، وكل شوية أقول اديهم فرصة عشان خاطر ولادي بس برضو مش عايزين حتى يعملوا حساب ﻷخوهم اللي مات.
تابع أحدث الأخبار عبر
