ابتهال في دعوى نفقة: اتجوز عليا صحبتي وهى اللي عرفتني عشان تحرق قلبي
تزوجت «ابتهال» في أول عشريناتها وكان حلمها بيت وأسرة وعاشت سنين مع زوجها وانجبت أطفالها، وظنت ان حلمها تحقق لكن غدر بها زوجها مرتين المرة الأولى عندما تركها هى وأولادها وهرب من البيت، والمرة الثانية عندما اكتشتفت أنه تزوج عليها.
"بقاله 4 شهور سايبنا وفي الأخر اكتشفت انه هرب مع مراته التانية" هذا ما قالته «ابتهال» عن زوجها الذي عاشت معه سنين عديدة وأنجبت منه أطفالها الاثنين وظنت أنه سيكون شريك حياتها، لكنه غدر بها وتركها هي وأطفالها دون سؤال، وجعلها في النهاية تلجأ لمحكمة الأسرة حتى تحصل على حقوقها.
اقرأ أيضا
جوزي ساب البيت فجأة من غير سبب
قالت «ابتهال»: متجوزة من 12 سنة، وخلفت ولد وبنت، الحياة كانت عادية ومكنش في مشاكل بيني أنا وجوزي، وكنت بتقي ربنا في جوزي وبربي عيالي وأخد بالي منهم، كان بيشتغل ويصرف علينا وأنا قاعدة في البيت مع العيال، وحياتنا كانت طبيعية والمشاكل زي أي اتنين متجوزين، لحد من 4 شهور ساب البيت ومقاليش رايح فين ومكنتش أعرف مكانه.
صاحبتي عرفتني أن جوزي اتجوزها عشان تحرق قلبي
تابعت الزوجة: لما جوزي اختفى دورت عليه في كل حته وملقتهوش، مكنش في بينا مشاكل حتى وقتها وفجأة اختفى، لحد ما واحدة صاحبتي بعتتلي صورة عقد العرفي بينها هي وجوزي على الواتساب عشان تعرفني انها اتجوزته وهو معاها وتحرق قلبي.
مكنش في سبب اشك في جوزي وصحبتي
أضافت «ابتهال»: صاحبتي دي كنت بعتبرها أختي وكانت قريبة جدا مني، وأنا أعرفها بقالي سنين، كان كلامها هي وجوزي عادي ومفيهوش حاجة قدامي، كانت بتيجي عندي البيت ومبيتكلموش مع بعض غير قليل جدا، فمكنش في سبب إني أشك فيهم حتى وهو مكنش في أي حاجة متغيرة فيه في أخر أيام.
اتجوز عليا صحبتي ورماني أنا وعيالي
أنهت «ابتهال» كلامها وقالت: معرفش اتجوز من امتى أو هما على علاقة بقالهم قد ايه صحيت في يوم لقيته خدها ومشي واتجوزوا ومعرفش عنه حاجة، وبقاله 4 شهور مبيسألش عليا ولا على أولاده ولا بيصرف علينا أي جنية عشان كدة جيت أرفع دعوى نفقة.
تابع أحدث الأخبار عبر
