«وشهم مكشوف».. هيام في دعوى نفقة: أمه بتحرضه يضربني لو رفضت أصرف عليه
تمنت “هيام” مثل أي بنت أن يكون لها بيتها وحياتها الخاصة وتتزوج ويصبح لها أسرة، وربما هذا السبب الذي ما زالت بسببه متمسكة بأسرتها ورفضت طلب الطلاق من زوجها بالرغم من تواجدها في محكمة اﻷسرة وهي رافعة دعوى نفقة عليه.
في بداية حياتها وقعت “هيام” في قصة حب وعندما تقدم الشخص الذي تحبه لخطبتها كانت الفرحة تسيطر عليها وجعلتها تتغاضى عن كل الفروق الواضحة بينهم ، وتزوجت “هيام” وانجبت من زوجها 3 أوﻻد وكانت تظن أنها محظوظة بزوجها وبأسرتها، لكن تدخلات أهل زوجها وضعف شخصية زوجها امام أهله أوصلتها في النهاية لأبواب محكمة اﻷسرة كحل أخير لتحصل على حقوقها وتعوض ما خسرته.
اقرأ أيضا
تحملت جوزي ﻷني بحبه
قالت “هيام”: اتجوزت بعد قصة حب كبيرة أوي في 2008 وخلفت 3 أولاد، اتجوزت والحياة كانت طبيعية ومكنش في مشاكل بينا، لحد من 5 سنين المشاكل بينا بقت أكتر من زمان، جوزي وأهله مستواه المادي كان أقل مني أنا وأهلي بس أنا مكنتش ببص للحجات دي، المهم بالنسبالي إني بحبه وهو بيحبني، المشاكل بعد الجواز في اﻷغلب كانت بسبب المصاريف بس أنا كنت بمشي الدنيا.
أهل جوزي سبب خراب بيتي
أكملت “هيام”: المشاكل كان في اﻷغلب من زمان سببها أهله هو كان كويس وطيب جدًا، بس بيرمي ودنه ﻷهله، مع إننا مش عايشين في نفس البيت أو أي حاجة احنا بس كنا عايشين في نفس المنطقة لكنهم كانوا بيتدخلوا في كل حاجة في حياتنا، كانوا شايفين عشان مستوايا المادي أحسن يبقى أنا اللي أصرف على البيت وعلى جوزي وعلى ولادي، وأنا بالرغم من إن ده غلط لكني وافقت.
اقرأ أيضا
أمه بتسخنه عليا
تابعت “هيام”: مكنش عندي مشكلة اني اشتغل وأصرف، إنما لو هو بيساعدني لكنه كان بيرفض يساعدني ولما اتكلم معاه يقولي ده اللي عندي إذا كان عاجبك، كنت بسمع أمه بتقوله خليها هي تصرف عليك و على البيت هي معاها فلوس ولو رفضت امسكها أضربها.
مبيصرفش على عياله بقاله سنين عشان أنا معايا فلوس
أضافت الزوجة: أنا عشان بحبه استحملت وكنت بديه هو وأهله بالرضا لحد ما جبت اخري في العطاء، استحملت أسلوبهم الوحش معايا ومعاملته ليا اللي اتغيرت خالص عن زمان، بقالنا 5 سنين في مشاكل بسببب المصاريف ونتصالح ونرجع، لحد ما لقيت الحياة بقت عبارة عن استغلال ومفيش كلمة شكرا، قررت إني أجي محكمة اﻷسرة وارفع دعوى نفقة، لأنه مبيصرفش على عياله بقاله سنين ، باصص اني بشتغل ومعايا فانا اصرف احسن ولما اتكلم معاه يقولي مش عاجبك امشي، أنا مش عايزه أطلق بس عايزه حقي أنا وولادي.
تابع أحدث الأخبار عبر
