سلوى في دعوى خلع ونفقة: بقاله 27 سنة بيوعدني إنه هيبطل مخدرات
العديد من السيدات يواجهن مصير مؤلم من أمام محكمة اﻷسرة ولكن السيدات الاتي يواجهن المصير اﻷصعب هن من تواجدن بسبب إدمان أزواجهن للمخدرات، فيكونوا قد عاشوا معاناة كبيرة مع أزواجهن قبل أن يصلوا لأعتاب محكمة الاسرة.
بعد 27 عاما من الزواج توجهت «سلوى» لرفع دعوى خلع ونفقة على زوجها، بعد سنين كثيرة عاشتها سلوى وتحملت زوجها الذي كان مدمن للمخدرات، فاض بها الكيل عندما وجدت زوجها تأكل المخدرات عقله وأصبح شخص ﻻ تستطيع التعرف عليه وتركها هي وأولادها عام كامل لاتعرف طريقه فقررت وقتها أن تنهي قصتها معه.
بيشرب مخدرات بقاله 27 سنة
قالت «سلوى»: اتجوزت من 1996، معايا 3ولاد كبار، وجوزي بيشرب مخدرات من اول ما اتجوزنا، كان الاول بيشرب قليل وقال هبطل، وأنا قلت يمكن بعدين ربنا يهديه على الكلام ده بقاله سنين كل شوية يوعدني على طول انه يبطل ومبيبطلش، عشت واتحملت عشان اربي الولاد.
أخره يصرف ٢٠٠ أو ٣٠٠ جنية
تابعت سلوى: بعد فترة من تعاطي المخدرات بقى نايم في البيت ومبيشتغلش خالص يشتغل أسبوع وعشرين أسبوع يعد ميشتغلش، أخره بيصرف على القد ٢٠٠أو٣٠٠جنية، واضطريت أنا اللي اشتغل وأصرف على العيال، حصل بينا مشاكل كتير وكل مرة مشكلة كبيرة بتحصل بتوصل للطلاق الناس تتدخل وتقول خلاص ويصلحوا بينا أرجع عشان خاطر العيال، وهو يوعدني انه هيبطل عشان الولاد ومفيش فايدة ومبيبطلش.
البرشام بقى حياته
أضافت الزوجة: البرشام بقى حياته، بقى يوصل بيه اﻷمر انه يضربني أنا والعيال، اللي خلاني سيبته إنه في مرة من المرات حصل مشكلة وساب البيت سنة ومسالش علينا ومعرفش عنه حاجة، اضطريت وقتها اني ارفع دعوى خلع لما عرف لا اتصل ولا سأل، معملش حاجة غير لما عرف اني رفعت دعوى نفقة وهيدفع فلوس، حاول يجر ناعم مع الولاد عشان نرجع وبعدين وقطع أي تواصل معاهم تاني، ودلوقتي مبيدفعش نفقة خالص، وانا أعده أنا وولادي في شقة ايجار، طلب نرجع وانا رفضت قال خلاص مش عايز اعرف حاجة عن العيال تاني خالص.
