«المخدرات ضيعته».. أم حنان للقاضي: بنتي خايفه ترفع على جوزها قضية ليأذيها
بعد أن جهزت «أم حنان» ابنتها لتتزوج وتدخلها القفص الذهبي، لم تكن تعلم أن بعد سنين قليلة ستعود لها ابنتها وهي تجر أذيال الخيبة والندم بعدما تركها زوجها بدون رحمة.
أم حنان للقاضي: جوز بنتي رماها 4 سنين ومسألش فيها
" جوزي بنتي ضربها وطردها وخد منها بنتها لسه بترضع" هذا ما قالته «أم حنان» عن القسوة التي رأتها ابنتها في حياتها مع زوجها والسبب الذي أدى أن تصل لأعتاب محكمة الأسرة، تواجدت «أم حنان» مع ابنتها لتساعدها في الحصول على حقوقها التي سلبها منها زوجها الذي سيطرت المخدرات على حياته.
اقرأ أيضا
جوز بنتي كان ملاك في أول الجواز
قالت «أم حنان»: لما بنتي أتقدم لها جوزها كان قريبنا من بعيد ولما سألنا عليه ومحدش قالنا عليه أي حاجة وحشة وهو كان كويس جدًا معاها وكان بيعاملها كويس وبيراعي ربنا فيها، لما اتجوزوا مكنش في مشاكل وكان كويس معاها ومع عيالهم كان بيشتغل ومعاه فلوس وبيصرف عليهم.
المخدرات خلته بني آدم تاني
تابعت الأم: بنتي اكتشفت إنه بقى يشرب مخدرات ومن ساعتها بقى بني أدم تاني، بقى مش عايز يصرف عليها وعلى ولاده وفلوسه كلها مضيعها على المخدرات، كان كويس في الأول واتحول بعد كدة.
اقرأ أيضا
رماها 4 سنين ومسألش فيها
تابعت «أم حنان»: المشاكل معاه كل مادى كانت بتزيد لما تقوله عايزه فلوس يقول معيش وروحي عند أهلك يصرفوا عليكي، بنتي كانت تعبت منه ومن عمايله لكن استحملت عشان ولادها، لحد في مرة قالها ضربها وقالها روحي بيت أبوكي وانا هاجي أخدك ورماها اربع سنين ومسألش فيها.
خايفه ترفع عليه قضية ليأذيها
تابعت «أم حنان»: مرفعتش خلع ولا هو طلقها، سكتت طول السنين دي عشان مكنتش عارفة تعمل ايه، خافت ترفع عليه دعوى خلع أو دعوى طلاق أو أي حاجة ليعمل فيها حاجة، معهاش قايمة ولا عارفة تاخد حاجتها، دلوقتي هي رفعت دعوى نفقة بس عشان عايزه النفقة عشان تعرف تعيش وتصرف على ولادها لأنه مبيسألش عليهم بقاله 4 سنين، كل ده عشان ميصرفش مش عايز يتحمل مسئولية، وهي اللي بيصرف عليها دلوقتي اخواتها اللي بيدوها بس ظروفهم على قدهم، ومتقدرش تطلب منهم.
تابع أحدث الأخبار عبر
