«ابنه العيان يموت».. أم دعاء للقاضي: جوز بنتي لو معاه جنيه يصرفه على المخدرات
مثل أي أم تمنت «أم دعاء» أن ترى ابنتها في بيت زوجها مرتاحة وسعيدة معه، وتفرح الجدة بأحفادها وتربيهم مع بنتها وزوجها تربية صالحة وترى ابنتها بين أسرتها، لكن لا تأتي الرياح بما تشتهيه السفن.
أم دعاء للقاضي: جوز بنتي لو معاه جنيه يصرفه على المخدرات وابنه العيان يموت
سلمت «أم دعاء» ابنتها لعريسها وكانت تظن أنها سلمتها لرجل سيحميها ويصونها ولكن ما حدث كان العكس تماما، فمنذ زواج ابنتها وانهالت المشاكل عليها وأصبحت حياتها يملئها الحزن بسبب زوجها الذي اكتشفت أنه مدمن للمخدرات، تواجدت «أم دعاء» أمام محكمة الأسرة لتوفر الدعم والأمان لأبنتها التي لم ترى سوى الغدر في حياتها مع زوجها.
اقرأ أيضا
"بنتي جوزها رمهالي معها عيلين وأنا مش معايا أصرف عليهم" هذا ما قالته «أم دعاء» في أول حديثها عن مشكلتها" بنتي مكملتش خمس سنين مع جوزها، معاها عيل 4 سنين، ودلوقتي خلفت وابنها التاني عنده 6 شهور وجوزها عمره ما شافه، ولا سأل عليه ولا بيصرف"
عايز ينام طول النهار ويشرب مخدرات طول الليل
تابعت «أم دعاء»: بعد الجواز بنتي اكتشفت أن جوزها بيشرب مخدرات الأول كان بيشرب استروكس وبعد كدة بقى يشرب حشيش، كان بيقول لو معايا جنية أصرفه على مزاجي ولو عيل تعبان أسيبه يموت، كان بيبقى عايز ينام طول النهار ويعد على القهوة طول الليل ويرجع يضربها، هي وعيالها ويشرب مخدرات في الشقة وهي كانت بتتحمل عشان متخربش بيتها.
اقرأ أيضا
باع شقتها وخد الفلوس يشرب بيها مخدرات
أضافت «أم دعاء»: بنتي كانت حامل وتعبت جت تعد عندي شوية، راح باع شقتها ونقل عفشها في شقة تانية أصغر من وراها ومقالهاش، خد فلوس الشقة عشان يشرب بيها مخدرات، وضبتلها شقتها الجديدة وخلصت توضيبها أول يوم رمضان قبل ما رمضان يخلص كان سايب الشقة وقال معيش فلوس ادفع الايجار، ورمالي بنتي وهي حامل وعيالها وعفشها عندي في البيت، ولدت ومدهاش أي مصايف للعيال ومبيسألش عليها ولا عيالها.
أنهت «أم دعاء» كلامها وقال: أنا مش معايا فلوس أصرف على بنتي وعلى عيالها، وهو مبيسألش فيهم خالص، جينا المحكمة عشان نرفع دعوى نفقة وناخد حقها هي وعيالها منه.
تابع أحدث الأخبار عبر
